ށ. ފުނަދޫގައި ގާއިމުކުރި އައިސްޕްލާންޓު ރަސްމީކޮށް ހުޅުވައިފިއެވެ.
ތިރީސް ޓަނުގެ މި އައިސްޕްލާންޓް ހުޅުވައި ދެއްވީ ރައީސް ޑރ. މުއިއްޒު ށ. އަތޮޅަށް ކުރައްވަމުން ގެންދަވާ ދަތުރުފުޅުގައި ފުނަދޫގައި ބޭއްވި ހާއްސަ ރަސްމިއްޔާތެއްގައެވެ. މިއީ ރައީސް ޑރ. މުހައްމަދު މުއިއްޒުގެ ވެރިކަމުގައި ހުޅުވި މިފަދަ ފުރަތަމަ އައިސް ޕްލާންޓެވެ. ފުނަދޫގައި މުޅިން އަލަށް ގާއިމްކުރާ އައިސްޕްލާންޓުގައި 30 ޓަނު އަދި އައިސް ސްޓޯރޭޖްގައި 50 ޓަނު ހުންނާނެއެވެ.
ރާއްޖޭގެ އެކި ކަންކޮޅުތަކުގައި ސަރުކާރުން ގެންދަނީ އައިސްޕްލާންޓްތައް ޤާއިމްކުރަމުންނެވެ. އަދި މަސް ދޯނިފަހަރުގައި މަސް ފިނިިކުރާ ނިޒާމް ޤާއިމްކުރުމަށް ލޯނު ދޫކުރުމުގެ ދެވަނަ މަޝްރޫޢު މިއަހަރުގެ މަސްވެރިންގެ ދުވަހުގެ ކުރިން އިއުލާން ކުރައްވާނެކަމަށް ރައީސް ވަނީ ވިދާޅުވެފައެވެ.
advertisment
advertisment
