ރައީސް ނަޝީދުގެ ކޮއްކޯފުޅު ނާޒިމް ސައްތާރާއި އިތުރު ފިރިހެނަކު އެއްޖިންސުން ގުޅުންހިންގަން ތިބި ކަމަށް ބުނާ ވީޑިއޯއެއް ލީކުވެފައި ވަނިކޮށް ރައްޔިތުންގެ ހެންވޭރު ދެކުނު ދާއިރާގެ މެމްބަރު ހުޝެއިން ޝަހީމް (އަނދުން ހުސެއިން) ގްރޫޕް ހަދައިގެން ޖިންސީ ގުޅުން ހިންގަން ތިއްބާ ނަގާފައިވާ ފޮޓޯއެއް ކަމަށް ބުނާ ފޮޓޯއެއް އިންޓަރނެޓްގައި ލީކުކޮށްފިއެވެ.
ލީކުވެފައިވާ ވީޑިއޯއިން ފެންނަނީ ނާޒިމް ކަމަށް ތުހުމަތުކުރެވޭ މީހަކާއި ބިދޭސީއެއް ކަމަށް ބެލެވޭ މީހަކު އެއް ޖިންސުން ގުޅުން ހިންގާ މަންޒަރެވެ. މި ވީޑިއޯއަކީ ބިދޭސީ މީހާ ކަމަށް ބެލެވޭ މީހާ ނާޒިމް އަށް ނޭންގި ކޮޓަރީގައި ކެމެރާ ބަހައްޓައިގެން ކޮއްފައިވާ ވީޑިއޯ އެކެވެ. ވީޑިއޯ ލީކުވުމާއެކު ނާޒިމް ސައްތާރަށް އެތައް ބައެއްގެ ފާޑުކިޔުން ވަނީ އަމާޒުވެފައެވެ. ނާޒިމް ސައްތާރުގެ މައްސަލަ ފުލުހުން މިހާރު ގެންދަނީ ތަހުޤީޤު ކުރަމުންނެވެ. މިރޭ އޭނާ ވަނީ ފުލުހަށް ވެސް ހާޒިރުކޮށްފައެވެ.
ނާޒިމް ސައްތާރުގެ ވީޑިއޯއަށްފަހު ރައްޔިތުންގެ ހެންވޭދު ދެކުނު ދާއިރާގެ މެމްބަރު ހުޝެއިން ޝަހީމް (އަނދުން ހުސެއިން) ގްރޫޕް ހަދައިގެން ޖިންސީ ގުޅުން ހިންގަން ތިއްބާ ނަގާފައިވާ ފޮޓޯއެއް މިރޭ ވަނީ ލީކު ވެފައެވެ. މި ފޮޓޯއިން ފެންނަނީ އަނދުން ހުސެއިންނާއެކު އިތުރު ފިރިހެނަކާއި އަންހެނެވެ.
ނާޒިމް ސައްތާރުގެ ވީޑިއޯ ލީކުވުމާއެކު ފުލުހުން ބުނެފައިވަނީ ގިނަ އަދަދެއްގެ މީހުން ހިމެނޭ ބްލެކްމެއިލްގެ ބޮޑު މައްސަލައެއް ފުލުހުން ތަހުޤީޤު ކުރަމުން ގެންދާ ކަމަށެވެ.
"ގިނަ އަދަދެއްގެ މީހުން ހިމެނޭގޮތަށް ބްލެކްމެއިލް ކުރުމުގެ މައްސަލައެއް ދިވެހި ފުލުހުންގެ ހިދުމަތަށް ހުށަހެޅުމާ ގުޅިގެން އެމައްސަލައިގެ ތަހުގީގު ފުލުހުން ވަނީ މީގެ ކުރިން ފަށާފައި. އަދި ސޯޝަލް މީޑިއާގައި މިއަދު އާންމުވި ވީޑިއޯއާ ގުޅިގެން އެވީޑިއޯގައި ހިމެނޭ މީހުންނާއި ގުޅޭ މައްސަލަ މިއަދުވަނީ ތަހުގީގުކުރަން ފަށާފައި. މި މައްސަލައިގެ ތަހުގީގުގެ ތެރެއިން އިތުރަށް އަޅަންޖެހޭ ފިޔަވަޅުތައް މިދަނީ އަޅަމުން." ފުލުހުން ބުންޏެވެ.
