މަސްވެރިކަމުގެ އެވޯޑް: އެންމެ ޚިދުމަތްތެރި ކެޔޮޅަކަށް އިބްރާހިމް ރަޝީދު

ހއ. އަތޮޅު ކައުންސިލް އިމަގު މަސްވެރިކަމުގެ އެވޯޑް 2022ގެ އެންމެ ޚިދުމަތްތެރި ކެޔޮޅަކަށާއި އަތޮޅުން އެންމެ ގިނަ ދުވަސްވީ ކެޔޮޅަކަށް އިހަވަންދޫ މާހޯރަ-3ގެ ކެޔޮޅު އިބްރާހިމް ރަޝީދު ހޮވިއްޖެއެވެ.

"ހއ. އަތޮޅު ކައުންސިލް އިމަގު މަސްވެރިކަމުގެ އެވޯޑް" އެވޯޑަކީ މިއަހަރުގެ މަސްވެރިންގެ ދުވަހާއި ގުޅުވައިގެން ހއ އަތޮޅުން މަސްވެރިކަމުގެ ދާއިރާއަށް އެކިގޮތްގޮތުން ޚިދުމަތް ކުރައްވާފައިވާ ފަރާތްތަކުގެ އަގު ވަޒަންކުރުމުގެ ގޮތުން ހއ. އަތޮޅު ކައުންސިލާއި އިހަވަންދޫ މަދަނީ ޖަމްއިއްޔާއެއް ކަމަށްވާ އިހަވަންދޫ މަސްވެރިންގެ ގުޅުން" އިމަގު" އާ ގުޅިގެން ދިން އެވޯޑެކެވެ. މިއެވޯޑް ދިނުމަށް އިހަވަންދޫގައި ބޭއްވި ރަސްމިއްޔާތު ޝަރަފްވެރިކޮއްދެއްވީ ފިޝަރީޒް މިނިސްޓަރު ޑރ. ހުސެއިން ރަޝީދު ހަސަންއެވެ.

މަސްވެރިކަމުގެ ދާއިރާއިން ބައިނަލް އަޤްވާމީ ނުވަތަ ޤައުމީ މިންކުރުންތަކުން ރަށަށް ރީތި ނަން ހޯދައިދޭ އިހަވަންދޫގެ ރަށްވެހިންނަށް ދޭ ހިތްވަރު ދިނުމުގެ އެވޯޑް ލިބިފައިވަނީ އިބްރާހިމް ރަޝީދުގެ ކެޔޮޅުކަމުގައި ދުއްވާ މާހޯރަ-3 އެވެ. އެ ދޯނިން ވަނީ އެއްދަތުރުން އެންމެ ގިނައިން ބޮޑުކަންނެލި ބާނާ ކިރުވި ރިކޯޑް މިދިޔަ މަހު މުގުރާލާފައެވެ. މީގެ އިތުރުން މަސްވެރިކަމުގެ ދާއިރާއިން އެކިގޮތްގޮތުން ފާހަގަކޮއްލެވޭ ފަރާތްތަކަށް ވަނީ އެވޯޑް ދީފައެވެ.

* މަސްވެރިކަމުގެ ދާއިރާއިން ހއ. އަތޮޅުން އެންމެ ގިނަދުވަސްވީ ކެޔޮޅު:/ އިބްރާހިމް ރަޝީދު، ގުރަހަ ހއ އިހަވަންދޫ

* މަސްވެރިކަމުގެ ހަޔާތީ އަރުތައިގެ އިނާމު:/ އަޙްމަދު އިބްރާހިމް ސަލްސަބީލުގެ ހއ. އިހަވަންދޫ

* މަސްވެރިކަމުގެ ދާއިރާއިން އެންމެ ދުވަސްވީ މަސްވެރިޔާ:/ އަޙްމަދު ރަޝީދު، ހަވީރީވިލާ ހއ އިހަވަންދޫ

* މަސްވެރިކަމުގެ ދާއިރާއިން އެންމެ ގިނަ ދުވަސްވީ ކެޔޮޅު:/ އާދަމް ހުސައިން ރޯޝަންހާރު، ހއ. އިހަވަންދޫ

* މަސްވެރިކަމުގެ ދާއިރާއިން އެންމެ ޒުވާން އޮޑިވެރިޔާ:/ މުހައްމަދު ޝިފާއު، ބުލްބުލާގެ ހއ އިހަވަންދޫ

* މަސްވެރިކަމުގެ ދާއިރާއިން އެންމެ ޚިދުމަތްތެރި ކެޔޮޅު:/ އިބްރާހިމް ރަޝީދު، ގުރަހަ ހއ އިހަވަންދޫ

* މަސްވެރިކަމުގެ ދާއިރާއިން އެންމެ ޒުވާން ކެޔޮޅު:/ ހުސެއިން އިމާދު، ރަންވިލާގެ ހއ އިހަވަންދޫ

* މަސްވެރިކަމުގެ ދާއިރާއިން އެންމެ ޒުވާން މަސްވެރިޔާ:/ ހަސަން ވަހީދު، ވައިލެޓްވިލާ 2 ހއ އިހަވަންދޫ

* މަސްވެރިކަމުގެ ދާއިރާއިން އެންމެ ޚިދުމަތްތެރި އޮޑިވެރިޔާ:/ ހއ އިހަވަންދޫ މާތިލަ ދޯނީގެ އޮޑިވެރިން

* މަސްވެރިކަމުގެ ދާއިރާއިން އެންމެ ގިނަ ދުވަސްވީ އެންކެޔޮޅު:/ އަބްދުއްސައްތާރު، ޖަހާމުގުރިގެ ހއ އިހަވަންދޫ

* މަސްވެރިކަމުގެ ދާއިރާއިން ކަނޑުމަސް ކައްކާ، ހިއްކުމުގެ މަސައްކަތުގައި އެއްމެ ފާހަގަކޮށްލެވޭ ފަރާތް:/ ޢަބްދުލް ޣައްފާރު ، ބަށިމާގެ ހއ. އިހަވަންދޫ

* މަސްވެރިކަމުގެ ދާއިރާއިން ބައިނަލް އަޤްވާމީ ނުވަތަ ޤައުމީ މިންކުރުންތަކުން ރަށަށް ރީތި ނަން ހޯދައިދޭ އިހަވަންދޫގެ ރަށްވެހިންނަށް ދޭ ހިތްވަރު ދިނުމުގެ އެވޯޑް:/ ހއ. އިހަވަންދޫ- މާހޯރަ 3 ދޯނި

* މަސްވެރިކަމުގައި ބޭނުންކުރެވޭނެ އައު ޓެކްނޮލޮޖީއެއް އުފެއްދުން:/ އަބްދުލްހަލީމް އަބްދުއްނާސިރު، އާރު ހއ އިހަވަންދޫ

މިއީ އިމަގު ޖަމްއިއްޔާއިން މިފަދަ އެވޯޑެއް ބޭއްވި 2 ވަނަ ފަހަރެވެ. އެންމެ ފުރަތަމަ އެޖަމްއިއްޔާއިން މަސްވެރިންގެ އެވޯޑް ބޭއްވީ 2009 ވަނަ އަހަރުއެވެ.