ރާއްޖޭގައި އިންޑިއާގެ ރުޕޭ ކާޑު ބޭނުންކުރެވޭ ގޮތަށް، މިއަދު އިފްތިތާހުކޮށްފިއެވެ.
ރުޕޭ ކާޑް ރާއްޖޭގައި ބޭނުންކުރުން އިފްތިތާހްކޮށްފައިވަނީ ރައީސް ޑރ. މުޙައްމަދު މުއިއްޒު އިންޑިއާއަށް ކުރައްވާ ފުރަމާނަ ދަތުރުފުޅުގެ ތެރެއިންނެވެ.
އެންމެ ފުރަތަމަ ޓްރާންސެކްޝަން ކާޑު ބޭނުންކޮށްގެން ކޮށްފައިވަނީ އޮތެންޓިކް މޯލްޑިވްސްގެ ފިހާރައެއްގައެެވެ.
ރުޕޭ ކާޑް ރާއްޖޭގައި ބޭނުންކުރަން ފެށުމާއެކު އިންޑިއާގެ ފަތުރުވެރިންނަށް ރާއްޖޭގައި ތިބޭއިރު އިންޑިއާގެ ބޭންކިންގ ކާޑު ޚިދުމަތްތައް ބޭނުންކުރެވޭނެއެވެ. މިކަމުގެ ސަބަބުން މުޢާމަލާތްތައް ފަސޭހައިން ކުރެވޭނެއެވެ.
މި އައު ޚިދުމަތް ތަޢާރަފުވުމާއެކު، ރާއްޖެއަށް ޒިޔާރަތްކުރާ އިންޑިއާ ފަތުރުވެރިންގެ އަދަދު އިތުރުވެ، ރާއްޖޭގެ ފަތުރުވެރިކަމުގެ ސިނާޢަތަށް އިތުރު ކުރިއެރުމެއް ލިބޭނެކަމަށް ބެލެވެއެވެ.
ރައީސް ޑރ. މުޢިއްޒު އިންޑިޔާއަށް ކުރައްވާ މި ދަތުރުފުޅަކީ އެމަނިކުފާނު އެގައުމަށް ކުރައްވާ ފުރަތަމަ ފުރަމާނަ ދަތުރުފުޅެވެ. މި ދަތުރުފުޅު ކުރިއަށްދާނީ އޮކްޓޯބަރު 6 އިން 10 އަށެވެ.
