މިއަހަރުގެ މިހާތަނަށް ރާއްޖެއަށް ޒިޔާރަތްކުުރި ފަތުރުވެރިންގެ އަދަދު 1.5 މިލިއަންއަށް އަރަފައިފި އެވެ.
ޓޫރިޒަމް މިނިސްޓްރީގެ ތަފާސް ހިސާބުތަކަށް ބަލާއިރު، މިއީ މިދިޔަ އަހަރުގެ މި މުއްދަތާ އަޅާބަލާއިރު 9.5 އިންސައްތައިގެ ކުރިއެރުމެކެވެ. މިގޮތުން މިއަހަރު އިތުރު 131،185 ފަތުރުވެރިން ރާއްޖެއަށް ޒިޔާރަތްކޮށްފައިވާ ކަމަށް ތަފާސް ހިސާބުތަކުން ދައްކަ އެވެ.
1.5 މިލިއަން ވަނަ ފަތުރުވެރިޔާ 2023 ވަނަ އަހަރުގައި ރާއްޖެއަށް ޒިޔާރަތްކޮށްފައިވަނީ އޮކްޓޯބަރު މަހުގެ 28 ވަނަ ދުވަހު އެވެ.
ރާއްޖެއަށް އެންމެ ގިނަ ފަތުރުވެރިން އަންނަ މާކެޓެއްގެ ގޮތުގައި ޗައިނާއިން ކުރިއަށް އޮތްތަނުގައި ވެސް 227،000 އަށް ވުރެ ގިނަ ފަތުރުވެރިން ރާއްޖެއަށް އައިސްފައި ވެއެވެ.
ރާއްޖެއަށް އެންމެ ގިނަ ފަތުރުވެރިން ޒިޔާރަތްކުރި ޤައުމުތައް؛
- ޗައިނާ – 227،400 ފަތުރުވެރިން
- ރަޝިޔާ – 165،300 ފަތުރުވެރިން
- އިނގިރޭސިވިލާތް – 127،700 ފަތުރުވެރިން
- ޖަރުމަނުވިލާތް – 109،700 ފަތުރުވެރިން
- އިޓަލީ – 107،623 ފަތުރުވެރިން
- އިންޑިއާ – 92،000 ފަތުރުވެރިން
- އެމެރިކާ – 51،100 ފަތުރުވެރިން
- ފްރާންސް – 41،400 ފަތުރުވެރިން
- ސްޕެއިން – 35،000 ފަތުރުވެރިން
- ސްވިޒަލޭންޑް – 28،600 ފަތުރުވެރިން
ރާއްޖޭގައި މިހާރު ޖުމްލަ 1،224 ފަތުރުވެރިކަން ކުރާ ތަންތަން ހުރެ އެވެ. އޭގެ ތެރޭގައި 171 ރިސޯޓާއި 887 ގެސްޓްހައުސް އާއި 152 ސަފާރީ އަދި 14 ހޮޓަލް ހިމެނެ އެވެ.
ސަރުކާރުގެ އަމާޒު ހިފާފައިވަނީ މި އަހަރު 2 މިލިއަން ފަތުރުވެރިންނަށް ރާއްޖެއިން މަރުހަބާ ކިޔުމަށެވެ.
