ސަލާމަތް ސިއްހަތުގެ ދެބައިކުޅަ އެއްބަޔަކީ ނަފްސާނީ ދުޅަހެޔޮކަންކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް މިހެން ވިދާޅުވީ ދުނިޔޭގެ ނަފްސާނީ ދުޅަހެޔޮކަމާ ބެހޭ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގަ އެވެ.
ރައީސް މުއިއްޒު ވިދާޅުވީ އުފެއްދުންތެރި މުރާލި ނަތީޖާ ނެރެދޭ މީހަކަށްވުމުގައި އިންސާނާގެ ނަފްސާނީ ގާބިލްކަން ބޮޑު ދައުރެއް އަދާ ކުރާ ކަމަށެވެ.
ސަލާމަތް ސިއްހަތުގެ ދެބައިކުޅަ އެއްބަޔަކީ ނަފްސާނީ ދުޅަހެޔޮކަމެވެ. އުފެއްދުންތެރި މުރާލި ނަތީޖާ ނެރެދޭ މީހަކަށްވުމުގައި އިންސާނާގެ ނަފްސާނީ ގާބިލުކަން ބޮޑު ދައުރެއް އަދާކުރެ އެވެ.
މީގެ އިތުރުން ރައީސް ވަނީ ނަފްސާނީ ދުޅަހެޔޮކަމަށް ހާއްސަ ސަމާލުކަމެއް ދިނުމަށް ހުރިހާ ރައްޔިތުންގެ ކިބައިން އެދިވަޑައިގެންފަ އެވެ.
ދުނިޔޭގެ ފެންވަރުގައި ފާހަގަ ކުރާ ނަފްސާނީ ދުޅަހެޔޮކަމާ ބެހޭ ދުވަހަކީ ކޮންމެ އަހަރެއްގެ އޮކްޓޫބަރު 10 ގައި ފާހަގަ ކުރާ ދުވަހެކެވެ. މިއަހަރުގެ ނަފްސާނީ ދުޅަހެޔޮކަމާ ބެހޭ ދުވަހުގެ ޝިއާރަކީ ‘މަސައްކަތުގެ މާހައުލުގައި ނަފްސާނީ ދުޅަހެޔޮކަން’ މި އެވެ.
