މި ސަރުކާރުގެ އެހީގައި މިހާތަނަށް 28 ތެލެސީމިއާ ކުދިންގެ ބޯންމެރޯ ޓްރާންސްޕްލާންޓް ހަދާފައިވާކަމަށް ހެލްތު މިނިސްޓަރ ގީލާ އަލީ ވިދާޅުވެއްޖެ އެވެ.
ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން މިނިސްޓަރ ގީލާ ވިދާޅުވީ، މި ސަރުކާރުން ތެރލެސީމިއާ ކުދިންނަށް ބޭނުންވާ ބޯންމެރޯީ ހަދައިދިމުމަށް ގެންގުޅޭ ސިޔާސަތުގެ ދަށުން ޒަކާތު ފަންޑާއި އެ މިނިސްޓްރީއާއި ދެމެދު ވެފައިވާ އެއްބަސްވުމުގެ ތެރެއިން މިހާތަނަށް ރާއްޖެއިން ބޭރަށް ފޮނުވައިގެން 28 ކުއްޖެއްގެ ބޯންމެރޯ ޓްރާންސްޕްލާންޓް ހަދާދފައިވާ ކަމަށެވެ.
ހެލްތު މިނިސްޓްރީއާއި އިސްލާމިކް މިނިސްޓްރީން ޒަކާތު ފަންޑުގެ އެހީގައި ބޮންމެރޯ ހެދުމާގުޅޭ އެއްބަސްވުމކެއް ގާއިމްކުރީ 21 ފެބުރުއަރީ 2024 ގައެވެ. މި އެއްބަސްވުމުގެ ދަށުން އަހަރަކު 10 ކުއްޖަކަށް، ބޮލަކަށް އެއް މިލިއަން ރުފިޔާއަށް ވުރެ އިތުރުނުވާނެ ގޮތުގެ މަތީން ޖުމްލަ 10 މިލިއަން ރުފިޔާ ޚަރަދުކުރުމަށް ވަނީ ހަމަޖެހިފައެވެ.
