ގއ. އަތޮޅުގައި ޤާއިމް ކުރަން ހަމަޖެހިފައިވާ "ޑްރަގް ޓްރީޓްމެންޓް އެންޑް ޑީޓޮކްސިފިކޭޝަން ސެންޓަރ" އަށް ހުވަދޫ ބަހުން ކިޔާނެ ނަމެއް ހޯދަން އެއަތޮޅު ކައުންސިލުން ރައްޔިތުންގެ ޚިޔާލަށް އެދިއްޖެއެވެ.
ގއ. އަތޮޅު ކައުންސިލުން ކޮށްފައިވާ ޢިއުލާނެއްގައި ވަނީ "ޤައުމީ އެއްބައި ވަންތަ ކަމުގެ ދުވަސް" ސަރަހައްދީ ފެންވަރުގައި ފާހަގަ ކުރަން ހަމަޖެހިފައި ވުމާއެކު، ދުވަހާއި ދިމާކޮށް ހުޅުވަން ތައްޔާރުވަމުންދާ ޑްރަގް ޓްރީޓްމެންޓް އެންޑް ޑީޓޮކްސިފިކޭޝަން ސެންޓަރ އަށް ހުވަނދޫ ބަހުން ކިޔާނެ ނަމެއް ހޯދަން ރައްޔިތުންގެ ޚިޔާލަށް އެދޭކަމަށެވެ. އެގޮތުން މި ހިނގާ ޑިސެމްބަރ މަހުގެ 22 ވަނަ ދުވަހުގެ ކުރިން ނަން ހުށެހެޅުމުގެ ފުރުސަތުވަނީ ހުޅުވާފައެވެ.
ޑްރަގް ޓްރީޓްމެންޓް އެންޑް ޑީޓޮކްސިފިކޭޝަން ސެންޓަރ އެއް ގއ. އަތޮޅުގައި ހުޅުވަން ހަމަޖެހިގެން ދިއުމަކީ މުޅި ހުވަނދު އަތޮޅަށް ލިބިގެންދާނެ ބޮޑު ކުރިއެރުކަމަށް ވާނެ ކަމަށް ރައްޔިތުން ދެކެއެވެ. މިއީ މަގު ގެއްލިފައިތިބި ޒުވާނުން ހަމަ މަގަށް އެޅުމަށް ލިބިގެންދާނެ ރަނުގެ ފުރުސަތެއްކަން ޔަޤީންނެވެ.
