ޤަވާޢިދާ ޚިލާފަށް ރާއްޖެއިން ބޭރުކުރަން އުޅުނު ގިނަ ޢަދަދެއްގެ މިޔަރު އުރަހަތަކެއް އެއަރޕޯޓް ސެކިޔުރިޓީއާ ކަސްޓަމްސް ގުޅިގެން އަތުލައިގެންފިއެވެ.
މީގެ އިރުކޮޅެއްކުރިން ކަސްޓަމްސް އިން މިކަން ހާމަކޮށް ބުނެފައި ވަނީ، 20 ފޮށިގަނޑެއްގައި ބަންދުކޮށްފައިވާ 429 ކިލޯގެ މިޔަރު އުރަހަ ކަސްޓަމްސް އާއި އޭވިއޭޝަން ސެކިޔުރިޓީ ކޮމާންޑު ގުޅިގެން އަތުލައިގެންފައިވާ ކަމަށެވެ. އަދި، މިތަކެތި ރާއްޖެއިން ބޭރުކުރަން މަސައްކަތް ކޮށްފައި ވަނީ ލޮނުމަހުގެ ޝިޕްމަންޓެއްގެ ގޮތުގައި، އޮޅުވާލައިގެން ކަމަށްވެސް ކަސްޓަމްސް އިން ހާމަކޮށްފައި ވެއެވެ.
މިމައްސަލަ ކަސްޓަމްސް އިން އިތުރަށް ތަހުގީގުކުރަށްވަން ފައްޓަވާފައި ވާކަމަށް، އެ ސާރވިސް އިން ބުނެފައި ވާކަންވެސް ފާހަގަކޮށްލެވެއެވެ.
