ބޮޑުފުޅަދޫ ކައުންސިލުން އެރަށު ކުޑަކުދިންނަށް ޚާއްޞަކޮށްގެން ފުޓްސަލް މުބާރާތެއް ފަށައިފި

"ޗުއްޓީ މާ މަޖާ" ގެ ނަމުގައި 13 އަހަރުން ދަށުގެ ކުދިންނަށް ބޮޑުފޮޅުދޫ ކައުންސިލުން ފުޓްސަލް މުބާރާތެއް ފަށައިފިއެވެ.

މި މުބާރާތަކީ 2019 އިން ފެށިގެން ކޮންމެ އަހަރެއްގެ ޗުއްޓީގައި 13 އަހަރުގެ ކުދިންނަށް ބޮޑުފޮޅުދޫ ކައުންސިލުން ކުރިއަށް ގެންދާ މުބާރާތެކެވެ. މި މުބާރާތުގެ މަޤްސަދަކީ ޗުއްޓީ އަކީ ކުދިންނަށް އުފާވެރި ޗުއްޓީ އަކަށް ހެދުމާއި، ފުޓްސަލްއަށް ހުނަރުވެރި ކުޅުންތެރިން އުފެއްދުމާއި ކުށުގެވެށިން ނޫކަށި ފުރާގެ ޒުވާނުން ދުރުކުރުން ކަމަށް ބޮޑުފުޅަދޫ ކައުންސިލުން ބުނެއެވެ.

މި މުބާރާތުގެ ފުރަތަމަ މެޗްގައި ބައްދަލުކޮށްފައިވަނީ ބެންޖާއީ ސިޓީއާއި ރެއިންޖާސް ޓީމެވެ. މި މެޗް ކާމިޔާބުކުރީ 1-2 ލަޑުން ބެންޖާއީ ސިޓީންނެވެ. މި މެޗްގެ މޮޅު ކުޅުންތެރިއަކަށް ހޮވިފައިވަނީ އެ ޓީމްގެ ޖާރޒީ ނަންބަރ 9 މުހައްމަދު އަޒުހާން ނިހާން އެކެވެ. ދެވަނަ މެޗްގައި ބައްދަލުކޮށްފައިވަނީ ދިވެހި ކުދިން އަދި އެފްޓީ ލީތަލްއެވެ. މި މެޗް ކާމިޔާބުކުރީ 0-5 ލަޑުން ދިވެހި ކުދިންނެވެ. މި މެޗްގެ މޮޅު ކުޅުންތެރިއަކަށް ހޮވިފައިވަނީ އެ ޓީމްގެ ޖާރޒީ ނަންބަރ 7 ޔޫނުސް ރައްޔާނެވެ.

މިއަހަރުގެ މުބާރާތުގައި ޖުމްލަ 4 ޓީމެއް ބައިވެރިވެފައިވެއެވެ. މި މުބާރާތުގައި ރަށުގައި އުފެދިފައިވާ އެންމެހާ ވިޔަފާރިތަކުގެ ވަރަށް ފުރިހަމަ އެހީތެރިކަމެއް ލިބިފައިވާކަމަށް ރަށު ކައުންސިލުން ބުނެއެވެ. މި މުބާރާތުގެ މެއިން ސްޕޮންސަރ އަކީ ސައިން ގޭޓެވެ. "ސައިން ގޭޓް ޗުއްޓީ މާ މަޖާ " ފުޓްސަލް މުބާރާތް ފަށައިދިނީ ކުޅިވަރުގެ ދާއިރާގައި ރަށު ފެންވަރުގައި ގިނަ ޚިދުމަތްތަކެއް ކޮށްދީފައިވާ އއ.ބޮޑުފޮޅުދޫ ދެތަނޑިމާގޭ އަބްދުއްޝުކޫރާއި ބޮޑުފޮޅުދޫ ކައުންސިލްގެ ރައީސް ޝުޖާއު އާދަމް އެވެ.