ރާއްޖެެއިން މިއަދު 99 މީހުން ކޯވިޑް-19އަށް ޕޮޒިޓިވްވެއްޖެއެވެ.
ޕޮޒިޓިވްވި މީހުންގެ ތެރޭގައި ހިމެނެނީ މާލެ ސަރަޙައްދުން ޕޮޒިޓިވްވި 82 މީހުންނާއި، ރަށްރަށުން ޕޮޒިޓިވްވި 05 މީހުންނާއި، ރިސޯޓްތަކުން ޕޮޒިޓިވްވި 12 މީހުންނެވެ. މިއީ 3،471 ސާމްޕަލްގެ ތެރެއިން ޕޮޒިޓިވްވި މީހުންނެވެ. މިއަދަދުތަކާއެކު ރާއްޖެއިން ކޯވިޑަށް ޕޮޒިޓިވްވި މީހުންގެ ޖުމްލަ ޢަދަދު ވަނީ 16،155 އަށް އަރާފައެވެ.
މިހާރު މިބައްޔަށް ފަރުވާދެމުން އަންނަނީ 1،833 މީހަކަށެވެ. އަދި އޭގެތެރެއިން 186 މީހުންނަކީ ހޮސްޕިޓަލުގައި އެޑްމިޓް ކޮށްގެން ފަރުވާދެމުން އަންނަ މީހުންނެވެ.
ފާއިތުވި 24 ގަޑިއިރުގެ ތެރޭގައި ރާއްޖެއިން މިބަލިން ރަނގަޅުވީ 73 މީހުންނެވެ. މިހާތަނަށް 14،263 މީހުން މިބަލިން ރަނގަޅުވެފައިވެއެވެ. މިހާތަނަށް މި ބައްޔަށް 417،313 ސާމްޕަލް ރާއްޖޭގައި ނަގާފައިވެއެވެ.
ކޯވިޑް ބަލިމަޑުކަމުގައި 52 މީހަކު ވަނީ ނިޔާވެފައެވެ. އެއީ 44 ދިވެހިންނާއި 8 ބިދޭސީންނެވެ.
