ވޯލްޑްކަޕް ކޮލިފައިންގައި ސްކޮޓްލޭންޑް އިން ބޮޑު މޮޅެއް ހޯދައިފިއެވެ.
މިމެޗުން ސްކޮޓްލޭންޑް ކުރިހޯދީ ފެރޯ އައިލެންޑާ ވާދަކޮށް 4-0 ލަނޑުންނެވެ. މެޗުގައި ސްކޮޓްލޭންޑް ގެ ޖޯން މެކްގިން ދެލަނޑު ކާމިޔާބުކުރި އިރު ފަހު ދެލަނޑު ކާމިޔާބުކޮށްދިނީ ސައުތެމްޓަންގެ ފޯވާޑް އެޑަމްސް އާއި ނިއުކާސަލްގެ މިޑްމީފްޑަރު ރަޔާން ފްރޭސާއެވެ. ސްކޮޓެލެންޑް ކޮލިފައިންގައި އެންމެފަހުން ކުޅުނު ތިންމެޗުން ވެސް ބަލިވެފަ ނުވާއިރު އެޓީމު އޮތީ 5 ޕޮއިންޓާއެކު ކޮލިފައިން ގުރޫޕްގެ ދެވަނާގައިއެވެ. ރޭގައި މި ގުރޫޕްގެ އެއް ވަނައިގައި އޮތް ޑެންމާކް ވަނީ އެޓީމު ކުޅުނު މެޗު ކާމިޔާބުކޮށް އެއްްވަނައިގައި ލީޑު ހިފަހައްޓާފައެވެ. އޮސްޓްރިޔާގެ މައްޗަށް ޑެންމާކްއިން ކުރި ހޯދީ 4-0 ލަނޑުންނެވެ. ގުރޫޕްގެ އެއްވަނައިގަ 9 ޕޮއިންޓާއެކު ޑެންމާކް އޮތް އިރު ގުރޫޕްގެ ތިންވަނައިގަ އޮތީ ތިން މެޗުން ހަތަރު ޕޮއިންޓް ހޯދައިގެން އިސްރާއީލްއެވެ. އޮސްޓްރިޔާވެސް މިއަދަދަށް ޕޮއިންޓް ހޯދާފަވާއިރު އެޓީމު އޮތީ ގުރޫޕުގެ ހަތަރުވަނައިގައެވެ.
