ފޭސް ޖަމްއިއްޔާއިން ކޮންމެ އަހަރަކު ތ. ވިލުފުށީ ވިލާތަކުގެ މެދުގައި ކުރިއަށް ގެންދާ ފޭސް މަސްވެރިންގެ ވިލާ ފުޓްބޯޅަ މުބާރާތް ހުޅުވުމުގެ ގޮތުން އިއްޔެ ހަވީރު ކުޅުނު މެޗް ޗެމްޕިއަން ނޫ ވިލާ، މޮޅުވިޔަ ނުދީ އަޅިވިލާ އިން ހިފަހައްޓައިފި އެވެ.
ވިލުފުށީ ޓާފް ދަަނޑުގައި ކުރިއަށްދާ މި މުބާރާތުގެ ދެވަނަ މެޗް އެއްވަރު ވެފައިވަނީ 4 ލަޑުންނެވެ. ފޯރިގަދަ ކުޅުމެއް ފެނިގެންދިޔަ މި މަޗްގެ މޮޅު ކުޅުންތެރިޔާގެ މަގާމް ހޯދާފައިވަނީ އަޅިވިލާގެ ޖޯޒީ ނަމްބަރު 10 މުހައްމަދު ލިޔާހް އެވެ. މިއަދު ހަވީރު ބައްދަލު ކުރާ މެޗްގައި ކުޅޭނީ އަޅި ވިލާ އާއި ރަތް ވިލާ އެވެ.
އެރަށުގެ ހަތަރު ވިލާ ކަމުގައިވާ ނޫ ވިލާ، އަޅިވިލާ އަދި ފެހި ވިލާގެ އިތުރުން ރަތް ވިލާއިން ބައިވެރިވާ މި މުބާރާތަކީ ޕޮއިންޓް ސިސްޓަމަށް ކުރިއަށް ގެންދާ މުބާރާތެކެވެ. މިމަހުގެ 29 ވަނަ ދުވަހާއި ހަމަ އަށެވެ.
މިއަހަރުގެ މުބާރާތުގެ މެއިން ސޮޕޮންސަރ އަކަށް ފަންބޮނޑި މޯލްޑިވްސް ހަމަޖެހިފައިވާ އިރު ޓައިޓްލް ސްޕޮންސަރ އަކީ އެސްޓީއޯ އެވެ.
