ފޭސް ޖަމްއިއްޔާއިން ކޮންމެ އަހަރަކު ތ. ވިލުފުށީ ވިލާތަކުގެ މެދުގައި ކުރިއަށް ގެންދާ ފޭސް މަސްވެރިންގެ ވިލާ ފުޓްބޯޅަ މުބާރާތުން ރަތް ވިލާ ލަދުވެތި ގޮތަކަށް ކަޓުވާލައިފި އެވެ.
އިއްޔެ ހަވީރު ވިލުފުށީ ޓާފް ދަނޑުގައި ކުރިއަށް ދިޔަ މެޗް ރަތް ވިލާގެ މައްޗައް ނޫ ވިލާއިން ކުރި ހޯދާފައިވަނީ އެގާރަ ލަނޑު ސުންލަޑުންނެވެ. މުބާރާތުގައި ކުޅުނު އެއްވެސް މޮޅުވެފައިނުވާ ރަތް ވިލާގެ ކުޅުނު ހުރިހާ މެޗަކުން ވެސް ވަނީ ލަނޑު ގޯންޏެއް ބައި ކޮޅަށް ވަދެފަ އެވެ.
ފުރަތަމަ މެޗްގައިވެސް ބައިކޮޅަށް 9 ލަނޑު ވަދެފައިވާއިރު، މުބާރާތުން އަލުވަދާއުކީ ފަހު މެޗްގައި ބައިކޮޅަށް ވަނީ 11 ލަނޑު ވަދެފަ އެވެ.
އެރަށުގެ ހަތަރު ވިލާ ކަމުގައިވާ ނޫ ވިލާ، އަޅިވިލާ އަދި ފެހި ވިލާގެ އިތުރުން ރަތް ވިލާއިން ބައިވެރިވާ މި މުބާރާތަކީ ޕޮއިންޓް ސިސްޓަމަށް ކުރިއަށް ގެންދާ މުބާރާތެކެވެ. މިމުބާރާތް ކުރިއަށްދާނީ މިމަހުގެ 29 ވަނަ ދުވަހާއި ހަމަ އަށެވެ.
މިއަހަރުގެ މުބާރާތުގެ މެއިން ސޮޕޮންސަރ އަކަށް ފަންބޮނޑި މޯލްޑިވްސް ހަމަޖެހިފައިވާ އިރު ޓައިޓްލް ސްޕޮންސަރ އަކީ އެސްޓީއޯ އެވެ.
