ފޭސް ޖަމްއިއްޔާއިން ކޮންމެ އަހަރަކު ތ. ވިލުފުށީ ވިލާތަކުގެ މެދުގައި ކުރިއަށް ގެންދާ ފޭސް މަސްވެރިންގެ ވިލާ ފުޓްބޯޅަ މުބާރާތުގައި ކުޅުނު އެއްވެސް މެޗަކުން ބަލިނުވެ އަޅިވިލާ ފައިނަލަށް ދަތުރުކޮށްފި އެވެ.
ވިލުފުށީ ޓާފް ދަނޑުގައި ކުރިއަށްދާ މުބާރާތުގެ ފައިނަލްގެ ފުރަތަމަ ޖާގަ އަލިވިލާއިން ކަށަވަރުކޮށްފައިވަނީ އެންމެ ފަހުން ކުޅުނު މެޗުން ފެހި ވިލާގެ މައްޗައް ކުރި ހޯދައިގެންނެވެ.
މެއިން ސޮޕޮންސަރ ފަންބޮނޑި މޯލްޑިވްސް ކޮށްފައިވާ މި މުބާރާތުގެ ފައިނަލްގެ ފަހު ޖާގަ ކަށަވަރު ވާނީ މިއަދު ހަވީރު ކުޅޭ ސެމީ ފައިނަލް މެޗުންނެވެ. މިއަދުގެ ސެމީ ފައިނަލްގައި ބައްދަލު ކުރާނީ އެންމެ ފަހުގެ ޗެންޕިއަން ނޫ ވިލާ އާއި ފެހި ވިލާ އެވެ.
އެރަށުގެ ހަތަރު ވިލާ ކަމުގައިވާ ނޫ ވިލާ، އަޅިވިލާ އަދި ފެހި ވިލާގެ އިތުރުން ރަތް ވިލާއިން ބައިވެރިވާ މި މުބާރާތަކީ ޕޮއިންޓް ސިސްޓަމަށް ކުރިއަށް ގެންދާ މުބާރާތެކެވެ. މިމުބާރާތް ކުރިއަށްދާނީ މިމަހުގެ 29 ވަނަ ދުވަހާއި ހަމަ އަށެވެ.
މިއަހަރުގެ މުބާރާތުގެ މެއިން ސޮޕޮންސަރ އަކަށް ފަންބޮނޑި މޯލްޑިވްސް ހަމަޖެހިފައިވާ އިރު ޓައިޓްލް ސްޕޮންސަރ އަކީ އެސްޓީއޯ އެވެ.
One Response
ލޮދި > ލޮނދި