އައްޑޫ ބްރިޖު މަޝްރޫއުއަށް ފަންނީ ލަފާދޭނެ ފަރާތެއް ހޯދަން އިޢުލާނުކޮށްފި

އައްޑޫ ސިޓީގެ ހުޅުމީދޫ އާއި ހިތާދޫ ގުޅުވާލާ ރާއްޖޭގެ އެންމެ ބޮޑު ބްރިޖް މަޝްރޫއަށް ފަންނީ ލަފާދޭނެ ބަޔަކު ހޯދަން އިޢުލާނުކޮށްފި އެވެ.

ކޮންސްޓްރަކްޝަން މިނިސްޓްރީގެ އެދުމުގެ ފިނޭންސް މިނިސްޓްރީން ކޮށްފައިވާ އިއުލާނުގައި ބުނެފައިވަނީ ބްރިޖު މަޝްރޫއުގެ ސާވޭ އާއި ޑިޒައިން އަދި ޓެންޑާ ޑޮކިއުމަންޓާއި ޓެކްނިކަލް ސްޕެސިފިކޭޝަން ގެ މަސައްކަތުގެ ކޮންސަލްޓަންސީ ސާވިސް ދޭނެ ފާމެއް ހޯދަން ބޭނުންވާކަމަށެވެ.

އެހެންކަމުން އެކަމަށް ޝައުގުވެރިވާ ފަރާތްތަކަށް އީއޯއައި ހުށަހެޅުމުގެ ފުރުސަތު މި މަހުގެ 24 ވަނަ ދުވަހުގެ 1:00 އާއި ހަމައަށް ހުޅުވާލައިފައިވާކަމަށާއި، އެ މަސައްކަތް ޚަވާލުކުރާނެ ފަރާތެއް ކަނޑައަޅާނީ އެކަމަށް އެދި ހުށަހަޅާ ފަރާތްތަކުގެ ތެރެއިން ޝޯޓް ލިސްޓު ކުރާ ފަރާތްތަކަށް ފްރޮޕޯސަލް ހުށަހެޅުމުގެ ފުރުސަތު ދީގެން ކަމަށެވެ.

Arab Contractors commenced the initial surveying works for preparation of the preliminary design of the Hithadhoo-Hulhumeedhoo Bridge project on 6th March 2024.
The initial surveys will be concluded today. pic.twitter.com/xS48pb3B4U

— Ministry of Construction, Housing & Infrastructure (@MoCImv) March 10, 2024

އައްޑޫ ބްރިޖު މަޝްރޫއުގެ ޕްރިލިމިނަރީ ޑިޒައިން އަދި ސާވޭގެ މަސައްކަތް ކުރުމަށް  މިދިޔަ އަހަރުގެ ފެބްރުއަރީ 19 ވަނަދުވަހު ދަ އަރަބް ކޮންޓްރެކްޓާސް – އޮސްމާން އަހުމަދު އޮސްމާން އެންޑް ކޯ އާއި ޙަވާލުކުރި މަސައްކަތް ވަނީ މިދިޔަ އަހަރުގެ މާޗު މަހުގެ ތެރޭގައި ނިންމައިފަ އެވެ.

އައްޑޫ ބްރިޖަކީ ރާއްޖޭގައި ގާއިމުކުރެވޭ އެންމެ ދިގު ބްރިޖެވެ. އެ ބްރިޖުގެ ދިގުމިނުގައި 13 ކިލޯ މީޓަރު ހުންނާނެ އެވެ.