ބޭންކް އޮފް މޯލްޑިވްސް (ބީއެމްއެލް) ކުރިއަށްގެންދާ "ބީއެމްއެލް ސްޓާޓަޕް ގްރާންޓް" އަށް ހުށަހެޅުމުގެ ފުރުސަތު ހުޅުވާލައިފި އެވެ.
އަލަށް ވިޔަފާރި ފަށާ ފަރާތްތަކަށް އަމާޒުިކޮށްގެން ބީއެމްއެލް އިން ކުރިއަށްގެންދާ މި ޕްރޮގްރާމުން ކުރިން 2 ދާއިރާއަކުން އެހީތެރިކަން ފޯރުކޮށްްދިން ނަމަވެސް މިއަހަރުގެ ޕްރޮގްރާމުގައި 3 ދާއިރާއަކުން އެހީތެރިކަން ފޯރުކޮށްދިނުމަށް އެ ބޭންކުން ވަނީ ނިންމާފައެވެ.
ސެޕްޓެމްބަރ 4، 2025 ގެ ހަވީރު 4:00 އާއި ހަމައަށް މި ގްރާންޓަށް އެދި ހުށަހެޅުމުގެ ފުރުސަތު ހުޅުވާލާފައިވާއިރު، މި ގްރާންޓްގެ ދަށުން، 500,000 ރުފިޔާ އާއިހަމައަށް ދޭ މާލީ އެހީތެރިކަމުގެ އިތުރުން ، އެ ބޭންކުން ވަނީ ކާމިޔާބުކަމާ އެކު ވިޔަފާރީގެ ޕްލޭންތައް ތަންފީޒުކުރުމަށް ބޭނުންވާ މާލީ އިރުޝާދު ދިނުމަށް ވެސް ނިންމާފަ އެވެ.
BML Startup Grant is open for applications for the year 2025!
✨ THREE emerging entrepreneurs have the chance to win MVR 500,000
In celebration of BML Islamic’s 10th anniversary, a third business has the chance to receive the grant – this is an increase from the regular two… pic.twitter.com/xd7WhwJuWC
— Bank of Maldives (@bankofmaldives) August 7, 2025
އަމިއްލަ ފަރުދުންނާއި އަލަށް ރަޖިސްޓަރީކޮށްފައިވާ ވިޔަފާރިތަކަށް ހުޅުވާލާފައިވާ މި ގްރާންޓާ ގުޅޭގޮތުން ބޭންކް އޮފް މޯލްޑިވްސް ގެ ސީއީއޯ އަދި މެނޭޖިން ޑިރެކްޓަރު މުހައްމަދު ޝަރީފް ވިދާޅުވީ ސްޓާޓަޕް ގްރާންޓަކީ ބޭންކުން ވިޔަފާރިތަކަށް އެހީ ފޯރުކޮށްދިނުމަށާއި ރާއްޖޭގެ ސްޓާޓަޕް ވިޔަފާރިތަކާ އެ ބޭންކާ ދެމެދު އޮތް ގުޅުން އިތުރަށް ހަރުދަނާ ކުރުމަށްޓަކައި އެ ބޭންކުން ކުރަމުން އަންނަ މުހިންމު މަސައްކަތެއް ކަމަށެވެ.
