ރާއްޖެ އެތެރެކުރަންއުޅުނު 29 މިލިއަން ރުފިޔާގެ މަސްތުވާތަކެތި މޯލްޑިވްސް ކަސްޓަމްސް ސާވިސަސްއިން ހިފަހައްޓައިފި އެވެ.
ކަސްޓަމްސް އިން ބުނީ ކަނޑުމަގުން ރާއްޖެއަށް ގެނައި މުދާ ޝިޕްމެންޓެއް، މިމަހުގެ 12 ވަނަ ދުވަހު ބަލައިފާސްކުރުމުގެ ތެރޭގައި، މަސްތުވާތަކެތިކަމަށް ޝައްކުކުރެވޭ ތަކެތި ފެނިފައިވާ ކަމަށެވެ. އަދި ފުރަތަމަ މަރުޙަލާގެ ޓެސްޓުތަކުން އެތަކެތި ވަނީ ހަޝިޝް އޮއިލްއަށް ޕޮޒިޓިވްވެފައި ކަމަށެވެ
ކަނޑުމަގުން ރާއްޖެއަށް ގެނައި މުދާ ޝިޕްމެންޓެއް، 12 ފެބުރުވަރީ 2026 ވަނަ ދުވަހު ބަލައިފާސްކުރުމުގެ ތެރޭގައި، މަސްތުވާތަކެތިކަމަށް ޝައްކުކުރެވޭ ތަކެތި ވަނީ ފެނިފައި. ފުރަތަމަ މަރުޙަލާގެ ޓެސްޓުތަކުން މިތަކެތި ވަނީ ހަޝިޝް އޮއިލްއަށް ޕޮޒިޓިވްވެފައި. pic.twitter.com/QLXrA3HgT0
— Maldives Customs Service (@CustomsMv) February 14, 2026
އަދި އަތުލައިގަތް ހަޝިޝް އޮއިލްގެ ބަރުދަނުގައި 36.43 ކިޅޯ ހުރި ކަމަށާއި އެތަކެތީގެ މަގުމަތީ އަގު 29 މިލިއަން ރުފިޔާ އަށް އަރާ ކަމަށްވެސް ކަސްޓަމްސް ސާވިސަސް އިން ބުނެފައި ވެއެވެ. މީގެ އިތުރުން މިމައްސަލަ އިތުރަށް ތަޙުޤީޤުކުރުމަށްޓަކައި، އަތުލެވުނު މަސްތުވާތަކެތި ވަނީ ދިވެހި ފުލުހުންނާ މިހާރު ހަވާލުކޮށްފައިވާ ކަމަަށްވެސް ކަސްޓަމްސް އިން ބުނެއެވެ.
