ފ.ނިލަންދޫގައި ޤާއިމްކުރާ ދަޅުގައި މަސް ބަންދުކުރާ ކާރުހާނާއެޅުމަށް ބޭނުންވާ ބިން ހިއްކުމާއި ބަނދަރު ހެދުމުގެ މަޝްރޫޢުގެ އަމަލީ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ފަށައިފިއެވެ.
މި މަސައްކަތުގެ ދަށުން ނިލަންދޫގައި އިތުރުކުރެވޭ 7 ހެކްޓަރު ބިމުގައި ދުވާލަކު 50 ޓަނުގެ މަސް ދަޅު ބަންދުކުރެވޭނެ ކާރުޚާނާ އަކާއި 1500 މެޓްރިކް ޓަނުގެ ކޯލްޑް ސްޓޯރޭޖެއްވެސް ޤާއިމުކުރެވޭނެ ކަމަށް ފިޝަރީޒް މ ިނިސްޓްރީން ބުނެއެވެ.
ނިލަންދޫގެ އިތުރުން ގދ ފިޔޯރީގައިވެސް ވަނީ އެ ރަށުގައި ސަރުކާރުން ގާއިމްކުރާ ދަޅުގައި މަސް ބަންދުކުރުމަށް ބޭނުންވާ ކާރުހާނާ ގައިމުކުރުމަށް ޓަކައި ބޭނުންވާ ބިންހިއްކުމުގެ މަސައްކަތް ކުރަމުންނެވެ. އެ މަސައްކަތް އެމްޓީސީސީން ފަށާފައިވަނީ މިދިޔަ ފެބުރުއަރީ މަހު އެވެ.
