ޑައިވިން އަށް ގޮސްޓއުޅެނިކޮށް ގެއްލުނު އިޓަލީގެ ޑައިވަރުންގެ ތެރެއިން 2 ޑައިވަރުންގެ ހަށިގަނޑު ނަގައިފި އެވެ.
އިޓަލީ ސަރުކާރުން ހަމަޖެއްސި ފިންލެންޑުގެ ތަޖުރިބާކާރު ޑައިވަރުންނާ މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އަދި ފުލުހުން ގުޅިގެން އިއްޔެ ހިންގި އޮޕަރޭޝަނެއްގައި ވަނީ 4 މީހުންގެ ހަށިގަނޑުވެސް ލޮކޭޓްކުރެވިފައެެވެ.
އަދި މިއަދު މިހާތަނަށް އެ ޓީމުން ކުރި މަސައްކަތުން 2 ޑައިވަރުންގެ ހަށިގަނޑު ވަނީ ނަގާފައެވެ.
އެ ޑައިވަރުންގެ ހަށިގަނޑު ފެނިފައިވަނީ، އެމީހުން ޑައިވް ކުރި ކޭވްގެ އެންމެ އެތެރެ ޗެމްބަރ އިން ކަމަށް އެމްއެންޑީއެފް އިން ވަނީ ބުނެފައެވެ.
