ވައިގަދަވެ ކަނޑު ގަދަވާނެ ކަމަށް ލަފާކޮށް ފުވައްމުލަށް ސިޓީއާއި އައްޑޫސިޓީއަށް ވައިޓް އެލާޓް ނެރެފި އެވެ.
މޫސުމާ ބެހޭ ގައުމީ އިދާރާއިން ކުރިން ބުނެފައިވަނީ މިއަދުގެ މެންދުރު 14:00 އިން ފެށިގެން މިރޭގެ 19:00 އަށް ފުވައްމުލަށް ސިޓީއާއި އައްޑޫސިޓީއަށް ގުގުރުމާއެކު ބޯކޮށް ވާރޭވެހި ވައިގަދަވެ ކަނޑު ގަދަވާނެ ކަމަށް ލަފާކުރެވޭ ކަމަށެވެ.
Alert white for strong winds of 19 – 24 mph with gusts of 40 mph and rough seas. pic.twitter.com/fG21hXPHaa
— Maldives Meteorology (@MetMaldives) June 3, 2026
މެޓް އޮފީހުން އެ ސަރަހައްދުތަކަށް ނެރެފައިވާ ވައިޓް އެލާޓްގައި ބުނެފައިވަނީ ގަޑިއަކު 19 މޭލާއި 24 މޭލާ ދެމެދުގެ ބާރުމިނެއްގައި ވައިޖެހޭނެ ކަމަށާއި އަދި ވިލާގަނޑުގައި ގަޑިއަކު 40 މޭލަށް ވައިގަދަވެ ކަނޑުތައް ވެސް ގަދަވާނެ ކަމަށެވެ.
