މާލެ ޓެކްސީ އެޕްލިކޭޝަން ބޭނުންކުރާ ކަސްޓަމަރުންގެ އަދަދު 25000 އަށް އަރާފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ބުނެފއި އެވެ.
އެމްޓީސީސީ އިން ބުނީ އެ ކުންފުނިން މާލެ ސަރަހައްދުގައި ދެމުން އަންނަ ޓެކްސީ ލައިންގައި ބޭނުންކުރާ އެޕްލިކެޝަން "މާލެޓެކްސީ އެޕް" ތަޢާރަފްކުރިފަހުން މިހާތަނަށް 25000 މީހުން އެ އެޕްލިކޭޝަން ބޭނުންކުރަން ފަށާފައިވާ ކަމަށާއި، އަދި މިހާތަނަށް ޓެކްސީ ލައިނުން 70،000 އަށްވުރެ ގިނަ ދަތުރު ކޮށްފައިވާ ކަމަށެވެ.
އަދި އެކުންފުނިން ބުނީ ޓެކްސީ ލައިން ތައާރަފް ކުރުމާއެކު، ކުރިއަށްވުރެ މާލެއިން ޓެކްސީ ހޯދަން ފަސޭހަވެފައިވާ ކަން ފާހަގަކުރެވޭ ކަމަށެވެ.
ޓެކްސީ ލައިންގެ ހިދުމަތް ދިނުމަށް މާލެ ސަރަހައްދުގައި 150 ކާރު ބޭނުން ކުރާއިތު ޓެކްސީ ލައިންގައި ބޭނުންކުރާ ކުދި ކާރުތަކަކީ މާލޭގެ ހަނިގޯޅިތަކުން ވެސް ފަސޭހައިން ދަތުރުކުރެވޭނެ ފަދަ ކާރުތަކެކެވެ.
3 ސައިޒެއްގެ ކާރުތައް ޓެކްސީ ލައިންގައި ބޭނުންކުރާއިރު ޓެކްސީ ލައިންގައި ބޭނުންކުރާ ހުރިހާ ކާރުތަކަކީވެސް ތިމާވެއްޓާ ރައްޓެހި އީވީ ވެހިކަލް ތަކެވެ.
