ޗައިނީޒް އާއަހަރު ފެށުމުގެ މުނާސަބަތުގައި ދިވެހިރާއްޖޭގެ ޚާރިޖީ ވަޒީރު ޢަބްދުﷲ ޝާހިދު ޗައިނާގެ ސްޓޭޓް ކައުންސިލަރ އަދި ޚާރިޖީ ވަޒީރު ވެންގ ޔީ އަށް ތަހުނިޔާ ވިދާޅުވެއްޖެއެވެ. މިނިސްޓަރ ޝާހިދު ތަހުނިޔާގެ މެސެޖެއް ފޮނުއްވިކަން ފާހަގަކުރައްވާފައިވަނީ ރާއްޖޭގައި ހުންނަ ޗައިނާގެ އެމްބަސީން ކުރި ޓްވިޓެއްގައެވެ.
https://twitter.com/ChinaEmbassy_MV/status/1488493425586409474?s=20&t=cCvIiTq4JgRlL6i1Ao-N0A
މިނިސްޓަރ ޝާހިދު ފޮނުއްވި ތަހުނިޔާގެ މެސެޖްގައި ޗައިނާއިން ރާއްޖެއާއި މެދު ބާއްވާ ގާތްގުޅުމުގެ އަގުވަޒަންކުރައްވާ ކަމަށް ވިދާޅުވެ، އެކަމަށްޓަކާ ޝުކުރު އަދާކުރައްވާ ހެޔޮ އެދުންތައް ފޮނުއްވާފައިވެއެވެ. އަދި ޗައިނާއާއި ރާއްޖޭގެ ގުޅުން ކުރިމަގުގައި މިހާރަށްވުރެ ބޮޑަށް ބަދަހިވުމަށް އުއްމީދު ކުރައްވާކަމުގެ ޝުޢޫރު ފާޅުކުރައްވާފައިވެއެވެ. އަދި ޗައިނީޒް އާއަހަރު ފެށުމުގެ މުނާސަބަތުގައި މިިނިސްޓަރ ޝާހިދު ވަނީ ޗައިނާ ބަހުންވެސް ތަހުނިޔާ ވިދާޅުވެފައެވެ.
https://twitter.com/abdulla_shahid/status/1488359787586723844?s=20&t=cCvIiTq4JgRlL6i1Ao-N0A
ޗައިނާއާއި ރާއްޖެ ސިޔާސީ ގުޅުން ޤާއިމް ކުރިތާ މިއަހަރަށް 50 އަހަރު ފުރޭތީ، މިމުނާސަބަތު ފާހަގަކުރުމަށް މިއަހަރު ތެރޭގައި ޚާއްސަ ޕްރޮގްރާމްތަކެއް ހިންގާނެކަން ދިވެހި ސަރުކާރާއި ޗައިނާ ސަރުކާރުންވަނީ ހާމަކުރައްވާފައެވެ.
