ރައްޔިތުންގެ މަޖިލިސް މިއަހަރަށް ހުޅުއްވާ ދެއްވުމަށް ރައީސުލްޖުމުހޫރިއް އިބްރާހީމް މުޙައްމަދު ސޯލިހު އިއްވެވި ރިޔާސީ ބަޔާނާއި ގުޅިގެން، އެމްއާރުއެމްގެ ޒައީމް، ކުރީގެ ރައީސުލްޖުހޫރިއްޔާ އަލްއުސްތާޒު މައުމޫނު ޢަބްދުލްޤައްޔޫމް، ރައީސް ސޯލިހަށް ތަހުނިޔާ ވިދާޅުއްޖެއެވެ. ރައީސް މައުމޫނު ތަހުނިޔާ ވިދާޅުވެފައިވަނީ ރިޔާސީ ބަޔާން އިއްވަވާ ނިމިވަޑައިގަތުމުން ކުރެއްވި ޓްވިޓެއްގައެވެ.
Congratulations HE president @ibusolih on an informative and strong presidential address. As a coalition partner @MRM_Office is fully behind you for the good of the nation.
— Maumoon Abdul Gayoom (@maumoonagayoom) February 3, 2022
ރައީސް ސޯލިހު މިއަދު އިއްވެވި ރިޔާސީ ބަޔާނަކީ މަޢުލޫމާތު މުއްސަނދި، ވަރަށް ވަރުގަދަ ރިޔާސީ ބަޔާނެއްކަމަށް ރައީސް މައުމޫނު ވިދާޅުވެފައިވެއެވެ. މިސަރުކާރުގެ ކޯލިޝަން ޕާޓްނަރެއްގެ ހައިސިއްޔަތުން، ޤައުމުގެ ލާބައަށްޓާކާ ރައީސް ސޯލިހުގެ ފަހަތްޕުޅުގައި އެމްއާރްއެމްއާއި އެމަނިކުފާނު ހުންނެވިކަމަށް ވިދާޅުވެފައިވެއެވެ.
