ސިންގަޕޫރުގެ ޚާރިޖީ ވަޒީރު މިސްޓަރ ވިވިއަން ބާލަކްރިޝްނަން، ރާއްޖޭގެ ޚާރިޖީ ވަޒީރު އަދި އދގެ 76 ވަނަ ޖެނެރަލް އެސެމްބްލީގެ ރައީސް އަލްފާޟިލް ޢަބްދުﷲ ޝާހިދު އާއި ބައްދަލުކުރައްވާފިއެވެ.
މިބައްދަލުކުރެއްވުން އޮތީ މިއަދު ހެނދުނު ސިންގަޕޫރުގެ ޚާރިޖީ ވުޒާރާގައެވެ.
ސިންގަޕޫރުގެ ޚާރިޖީ ވަޒީރު ކުރެއްވި ޓްވިޓެއްގައި ވިދާޅުވެފައިވަނީ، އެމަނިކުފާނުގެ ދުވަސްވީ ރަހުމަތްތެރިޔާ، އދ 76 ވަނަ ޖެނެރަލް އެސެމްބްލީގެ ރައީސްގެ ހައިސިއްޔަތުން ސިންގަޕޫރަށް ޒިޔާރަތްކުރައްވާ، އަދި އެމަނިކުފާނާއި ބައްދަލުކުރެއްވުމުގެ ފުރުސަތު ލިބިވަޑައިގަތީމަ އުފާކުރައްވާ ކަމަށެވެ. މިއީ އދ ގެ ޖެނެރަލް އެސެމްބްލީގެ ރައީސަކު މަޤާމުގައި ހުންނަވައިގެން ސިންގަޕޫރަށް ކުރެއްވި ފުރަތަމަ ދަތުފުޅު ކަމަށްވާތީ ސިންގަޕޫރުގެ ޚާރިޖީ ވަޒީރު ޚާއްސަ ކަމެއްގޮތުގައި އެކަން ފާހަގަކުރައްވާފައިވެއެވެ. އަދި ވަކިން ޚާއްސަކޮށް ޢަބްދުﷲ ޝާހިދު ތަމްސީލު ކުރައްވަނީ ސިންގަޕޫރުފަދަ ކުޑަ ޤައުމެއް ކަމަށްވާ، ދިވެހިރާއްޖެ ކަމަށްވާތީ އެކަންވެސް ސިންގަޕޫރުގެ ޚާރިޖީ ވަޒީރު ފާހަގަ ކުރައްވާފައިވެއެވެ.
Delighted to host an old friend, @abdulla_shahid, President of the @UN General Assembly (PGA). 1st visit to Singapore by a sitting PGA. Extra special as he is from Maldives, a fellow small island state. Singapore is committed to multilateralism & the invaluable role of the @UN. pic.twitter.com/XNJcVO6QQf
— Vivian Balakrishnan (@VivianBala) February 7, 2022
