ޢުމްރާގެ މަތިވެރި އަޅުކަން އަދާކުރުމަށް ދިޔަ ދިވެއްސަކު ނިޔާވެއްޖެއެވެ. ނިޔާވެފައިވަނީ ބ. އޭދަފުށީ މާބަގީޗާގޭ، އުމުރުން 76 އަހަރުގެ އަބޫބަކުރު ހަސަންއެވެ. މަޢުލޫމާތު ލިބުނުގޮތުގައި އަބޫބަކުރު ނިޔާވީ މިއަދު ފަތިހު 05:30 އެހާކަންހާއިރު އެވެ.
އަބޫބަކުރު އާއިލާއިން ބުނީ އެނާ ނިޔާވީ ރޭގެ ފަތިސްނަމާދު ނިންމުމުމަށްފަހު އެނބުރި ހޮޓަލަށް އައި ފަހުންނެވެ. އަދި މަރަކީ ކުއްލި މަރެއްކަމަށްވެސް އާއިލާއިން ބުނެއެވެ.
އަބޫބަކުރު ހަސަން އުމްރާގެ މަތިވެރި އަޅުކަން އަދާކުރުމަށް މައްކާއަށް ދިޔައީ އޭނާގެ އާއިލާގެ ހުރިހާ މެންބަރުންނާއެކު މިމަހުގެ 17 ވަނަ ދުވަހުއެވެ.
