އިންޑިއާގެ ވެރިކަންކުރާ ޕާޓީ ކަމަށްވާ ބީޖޭޕީގެ ތަރުޖަމާނަކާއި، އެޕާޓީގެ ލީޑަރަކު ސަލާމާއި ޞަލަވާތްލެއްވުނު މާތް ނަބިއްޔާއަށް ތައުހީނުކޮށް ފުރައްސާރަ ކުރި މައްސަލަ ޖުމުހޫރީ ޕާޓީގެ ލީޑަރ އަދި ރައްޔިތުންގެ މަޖިލީހުގެ މާމިގިލީ ދާއިރާގެ މެމްބަރ ޤާސިމް އިބްރާހިމް ކުށްވެރިކޮށްފިއެވެ.
މިމައްސަލައިގައި މުޅި އިސްލާމީ އުއްމަތް ދަނީ ކަންބޮޑުވުން ފާޅުކޮށް މިޢަމަލު ހަރުކަށި އިބާރާތުން ކުއްވެރި ކުރަމުންނެވެ.
I, along with my party @JPSecretariat strongly condemns & denounce the derogatory remarks made by the spokeswomen of Indian ruling party @BJP4India , insulting the Prophet Mohammed (PUBH).Her remarks deeply hurt the sentiments of billions of Muslims around the world including me.
— Qasim Ibrahim (@qasimibrahim) June 6, 2022
ސަލާމާއި ޞަލަވާތްލެއްވުނު މާތް ނަބިއްޔާއަށް ތައުހީނުކޮށް ފުރައްސާރަ ކުރި މައްސަލައިގައި ރާއްޖޭގެ ސިޔާސީ ޕާޓީތަކުން ދަނީ މިޢަމަލު ކުއްވެރިކޮށް ބަޔާންތައް ނެރެ އަޑު އުފުލަމުންނެވެ. ނަމަވެސް އަމިއްލަފުޅު އެކައުންޓުން، އަމިއްލަފުޅު ހައިސިއްޔަތު ބޭނުންފުޅު ކުރައްވައިގެން މިމައްސަލަ މިހާތަނަށް ކުއްވެރި ކުރެއްވި ހަމައެކަނި ސިޔާސީ ލީޑަރަކީ ޤާސިމް އިބްރާހީމެެވެ.
އެމްޑީޕީގެ ފުރަތަމަ ސަރުކާރުގައި ބޭއްވުނު އެންމެ ބޮޑު އެއްވުން ކަމުގައިވާ 23 ޑިސެމްބަރ އެއްވުމަށް ޚަރަދުކުރައްވާ މި އެއްވުން ލީޑްކުރެއްވި އެއްބޭފުޅަކީ ޤާސިމް އިބްރާހީމެވެ. އިސްލާމް ދީނަށް ދައުވަތު ދިނުމާއި ނަސްރު ހޯދުމަށް ރާއްޖޭގައި ހިންގާ ހަރަކާތްތަކުގައި އަބަދުވެސް އެމަނިކުފާނު ބައިވެރިވެ ވަޑައިގަންނައެވެ.
