އެމެރިކާގެ އެންމެ މަތީ ސެކިއުރިޓީޒް ރެގިއުލޭޓަރު ބުދަ ދުވަހު ވަނީ ވޯލް ސްޓްރީޓްގެ ރީޓެއިލް ސްޓޮކް ޓްރޭޑިންގެ ގަވާއިދުތަކަށް ބަދަލުތަކެއް ގެންނަކަން ހާމަކޮށްފައެވެ.
އެމެރިކާގެ ސެކިއުރިޓީޒް އެންޑް އެކްސްޗޭންޖް ކޮމިޝަންގެ ރައީސް ގޭރީ ޖެންސްލާ ވިދާޅުވީ ރީޓެއިލް އިންވެސްޓަރުންގެ ޓްރޭޑް ކުރުމަށް ފަހި ވާދަވެރި މާހައުލެއް ތަނަވަސްކުރުމަށް މިހާލު ލާޒިމް ކަމަށާއި އަދި އެމަސައްކަތް މިހާރު ހިނގަމުން އަންނަ ކަމަށެވެ.
ކެނެޑާ، އިނގިރޭސިވިލާތް އަދި އޮސްޓްރޭލިއާގައި މިހާރު މަނާކޮށްފައިވާ ޕޭމަންޓް ފޯ އޯޑަރ ފްލޯ (ޕީއެފްއޯއެފް) ޕްރެކްޓިސްގެ ސަބަބުން ފާއިތުވި އަހަރުތަކުގައި ލިބިފައިވާ ކުރިއެރުންތައް ބެލުމަށް ވޯލް ސްޓްރީޓް ވޮޗްޑޮގުން ރާވާފައިވެއެވެ.
ޓީޑީ އެމެރިޓްރޭޑް، ރޮބިންހޫޑް މާކެޓްސް އަދި އީޓްރޭޑް ފަދަ ބައެއް ބްރޯކަރުން އޯޑަރުތަކަށް ހޯލްސޭލް މާކެޓްގައި ފައިސާ ބަލައިގަނެއެވެ. ޑިސެމްބަރު 2020 ގައި ރޮބިންހޫޑް އިން ހަގީގަތުގައި އެ ޕްރެކްޓިސްއާ ގުޅޭ ޖޫރިމަނާއެއް ދައްކާފައިވާއިރު، އެސްއީސީން ބުނީ އޮންލައިން ބްރޯކަރޭޖް ބޭނުންކުރާ އިންވެސްޓަރުންނަށް ހަރަދުތައް ބޮޑުވި ކަމަށެވެ.
ޕީއެފްއޯއެފްގެ ޕްރެކްޓިސް މަނާކުރުމަކީ މޭޒުން ބޭރުގައި އޮތް ކަމެއް ނޫން ކަމަށް ޖެންސްލާ ވަނީ ބުނެފަ އެވެ. ބުދަ ދުވަހު އޭނާ ވިދާޅުވީ އެ ޕްރެކްޓިސްގައި "އިންހެރެންޓް ކޮންފްލިކްޓްތަކެއް" ހުރި ކަމަށާއި، ބައެއް ޒީރޯ ކޮމިޝަން ބްރޯކަރޭޖް ޕީއެފްއޯއެފް ނެތި ހިންގާކަން އޭނާ ފާހަގަކުރިއެވެ.
އިންވެސްޓަރުންގެ ފަރާތުން ވަކާލާތުކުރާ ފަރާތްތަކުން ވަނީ އެސްއީސީގެ ޕްލޭނަށް ތައުރީފުކޮށްފަ އެވެ. ނަމަވެސް ފައިނޭންޝަލް އިންޑަސްޓްރީގެ އެގްޒެކެޓިވުން ބުނަމުންދަނީ ކޮމިޝަން ފްރީ ބްރޯކަރޭޖްތަކަށް އިތުރު އިންވެސްޓަރުންނަށް ހިދުމަތް ދިނުމަށް ހުރަސް އެޅިދާނެ ކަމަށެވެ.
