އިޤްތިސާދީގޮތުން ދުނިޔެ މިއަދު ވެއްޓެމުންދާ ވަޅުގަނޑުން އަރައިގަތުމަށް އެއްބަިވަންތަކަމާއި އެކު އެއްބާރުލުން ލައިގެން މަސައްކަތް ކުރުމަށް ޗައިނާގެ ރައީސް ޝީ ޖިންޕިން ގޮވާލައްވައިފިއެވެ.
ޗައިނާގެ ރައީސް މިކަމަށް ގޮވާލެއްވީ، ބްރިކްސް ބިޒްނަސް ފޯރަމް ހުޅުވުމުގެ ރަސްމިއްޔާތުގައި ވާހަކަދައްކަވަމުންނެވެ.
މިވަގުތު ބައެއް މުހިންމު ސިނާއީ އަދި ސަޕްލައި ޗޭންތަކަށް ބަޔަކު ގަސްތުގައި ބުރޫއަރުވާލުން ތަހައްމަލު ކުރަމުން އަންނައިރު، ތަކެތީގެ އަގުތައް މަތީގައި އޮވެ، އަގުތައް އުފުލި އުފުލި، ދުނިޔޭގެ އިންފްލޭޝަން މައްޗަށް ގޮސް، ބައިނަލްއަގްވާމީ މާލީ ބާޒާރު ހަލަބޮލިވަމުން އަންނަ ކަމަށް ޝީ ވިދާޅުވި އެވެ.
"ދުނިޔޭގެ އިގްތިސާދު ކްރައިސިސްއަކަށް ވެއްޓިދާނެތީ ރައްޔިތުން ކަންބޮޑުވާން ޖެހޭ ސަބަބުތައް އެބައޮތް،" ޝީ ވިދާޅުވި އެވެ. "މި މުހިންމު ދަނޑިވަޅުގައި، ދިމާވާ ދަތިތަކުގެ ވާހަކަ ދައްކާ، އެއްބަޔަކު އަނެއްބަޔަކަށް އެއްބާރުލުން ދިނުމަކީ އިގްތިސާދީ ދަތިކަމެއް ހުއްޓުވޭނެ ހަމައެކަނި ގޮތް." ޝީ ވިދާޅުވި އެވެ.
ތަރައްގީވެފައިވާ ބޮޑެތި ގައުމުތަކުން ޒިންމާދާރު އިގްތިސާދީ ސިޔާސަތުތައް ގެންގުޅެން ޖެހޭ ކަމަށް ޝީ ވިދާޅުވި އެވެ.
ޗައިނާގެ ރައީސް ޝީ ވިދާޅުވީ ބައިނަލްއަގްވާމީ އިޤުތިސާދީ އަދި މާލީ ނިޒާމުގައި އެބައެއްގެ ބާރާއި ނުފޫޒުގެ ބޭނުން ހިފައިގެން މުޅި ދުނިޔޭގެ އިގްތިސާދު ސިޔާސީކޮށް، ހަތިޔާރުކަށް ހަދައިގެން، ގަސްތުގައި ދަތިކުރުމުގެ ފިޔަވަޅު އަޅާ، އަދި އެންމެފަހުން އެހެން މީހުންނާއި، އަމިއްލަ މީހުންނަށްވެސް ގެއްލުންދީ، އިންސާނިއްޔަތު ބޮޑު ކާރިސާއެއްގެ ތެރެޔަށް ވައްޓާލާފައިވާ ކަމަށެވެ.
