ރައްޔިތުންގެ ބަހެއް ނުހޯދަ ރާއްޖޭގައި ސިޔާސީ ޕާޓީތައް އުފައްދާފައިވާތީ ރައްޔިތުންގެ މަޖިލީހުގެ ކުޑަހުވަދޫ ދާއިރާގެ މެންބަރު އަހުމަދު އާމިރު މިއަދު ޝަކުވާކޮށްފިއެވެ. މެމްބަރ އާމިރު މިމޭރުމުން ވާހަކަ ދެއްކެވީ މަޖިލީހުގަ ހުޅުދޫ ދާއިރާގެ މެންބަރު އިލްޔާސް ލަބީބް ހުށަހަޅުއްވާފައިވާ ރާއްޖޭގެ ވެރިކަމުގެ ނިޒާމު ބަދަލުކުރުމާމެދު ރައްޔިތުންގެ ވޯޓަށް އެހުމަށް ހުށަހެޅި ގަރާރަށް ބަހުސްކުރައްވަމުންނެވެ.
އާމިރު ވިދާޅުވީ ސިޔާސީ ޕާޓީ އުފެއްދުމުގައި ރައްޔިތުންނަށް އޮޅުން ނުފިލާ ކަންކަން އެބަހުރި ކަމަށެވެ. އޭނާ ވަނީ ގާނޫނު އަސާސީގައި ކޮންމެ ރައްޔިތަކަށް ވެސް ޕާޓީ އުފެއްދުމުގެ ހައްގު ލިބިގެންވާ ކަމަށެވެ. މިމޭރުމުން ވާހަކަދައްކަވަމުން އާމިރު ވިދާޅުވީ "ބާރަކީ ސިޔާސީ ބޭފުޅުންގެ އަތްމަތީ އޮންނަ އެއްޗެއް ނޫނޭ. ބާރަކީ ރައްޔިތުން އަތްމަތީ އޮންނަ އެއްޗެއް،" ކަމަށެވެ.
އާމިރު ވިދާޅުވީ ރާއްޖޭގައި ސިޔާސީ ޕާޓީ ނިޒާމް އެކުލަވާލީ ރައްޔިތުންގެ ކިބާގައި އަހާލުމެއް ނެތި ކަމަށެވެ. އެގޮތުން ދުނިޔޭގެ ބޮޑެތި ގައުމުތަކުގައި އެންމެ 100 މީހުން ހިމަނައިގެން ވެސް ސިޔާސީ ޕާޓީތައް އުފެއްދޭ ކަމަށާއި އެހެންނަމަވެސް މި ރާއްޖޭގައި ޕާޓީތައް އުފެއްދުމުގެ ފުރުސަތު ވެސް ހަނި ކަމަށް އޭނާ ވިދާޅުވިއެވެ.
"މި ހައްގުތައް ހަނިނުކުރެވޭނެ ގޮތަށް ރައްޔިތުންގެ ހައްގުތައް ރައްޔިތުންނަށް ލިބޭނެ ގޮތަށް މި ކަން ކުރުމަކީ ކޮންމެހެން ވެސް މުހިންމު ކަމެއް،" އާމިރު ވިދާޅުވިއެވެ.
އެއާއެކު ނިޒާމީ ވޯޓާ ގުޅިގެން ހުށަހެޅުއްވި ގަރާރުގައި އެކަން ވެސް ހިމެނުން ރަނގަޅު ކަމަށް އޭނާ ވިދާޅުވިއެވެ. "ރައްޔިތުންނާ ގުޅުންހުރި ކަންމުގައި އަޅުގަނޑުމެން ހިތަށް އެރީމައި ހިތަށް އެރިހާ ގޮތަކަށް ކަންތައް ކުރުން ރަނގަޅެއް ނޫން. ރައްޔިތުން ކައިރީ އަހައިގެން ކަން ކުރީމަ ރަނގަޅުވާނީ،" އާމިރު ވިދާޅުވިއެވެ.
One Response
Raajjeygai party nizaam baahvan feneytho nuvatha nufeneytho( fenna nufenna) vote eh negun v muhinmu kamugai dheken.