ކުރިއަށްއޮތް 5 ދުވަހު ރާއްޖޭގެ މޫސުން ގޯސްވާނެކަމަށް މޫސުމާ ބެހޭ ޤައުމީ އިދާރާއިން ބުނެފިއެވެ.
މޫސުމާބެހޭ ޤައުމީ އިދާރާއިން ނެރުނު ބަޔާނެއްގައި ބުނީ، ކުރިއަށްއޮތް ފަސް ދުވަހު ހުޅަނގު މޫސުމުގެ ބާރު ގަދަވާނެކަމަށާއި، އެހެންކަމުން މިދުވަސްތަކު ކަނޑު ގަދަވެ އުތުރާއި މެދުރާއްޖެތެރޭގެ ބައެއް އަތޮޅުތަކަށް އުދަ އެރުންވެސް އެކަށީގެންވާ ކަމަށެވެ. އެހެންކަމުން ވަޔާއި، ކަނޑު ގަދަވާނެކަމަށް ލަފާކުރެވޭތީ ކަނޑުދަތުރުކުރާ ފަރާތްތަކުން މޫސުމަށް ޚާއްސަ ސަމާލުކަމެއް ދެއްވުމަށް މެޓް އޮފީހުން ވަނީ އިލްތިމާސްކޮށްފައެވެ.
