ބ.މުތާފުއްޓަށް ދަތުރުދިޔަ ބަޔަކު ހާލުގައި ޖެހި، އެމްއެންޑީއެފުން ހަރަކާތްތެރި ވާން ފަށައިފިއެވެ.
އެމްއެންޑީއެފުން ބުނީ ވިއްސާރަވުމުގެ ސަބަބުން ބ.މުތާފުއްޓަށް ދަތުރުދިޔަ ބަޔަކު ހާލުގައި ޖެހި، އެހީއަށް އެދުމުގެ ސަބަބުން އެމީހުންނަށް އެހީތެރިކަން ފޯރުކޮށްދިނުމުގެ މަސައްކަތް ފަށާފައިވާކަމަށެވެ. މިގޮތުން އެމްއެންޑީއެފް ނޮދަން އޭރިއާ، ކޯސްޓްގާޑްގެ ސްކޮޑްރަން އިން މިހާރު އެ ފަރާތްތަކަށް އެހީވާން ހަރަކާތްތެރިވާން ފަށާފައިވާކަމަށްވެސް އެމްއެންޑީއެފުން ވިދާޅުވިއެވެ.
ދަތުރުދިޔަ ޓީމުގައި 11 މީހުން ތިބިއިރު، އޭގެތެރޭގައި ހިމެނެނީ ހަ ކުޑަކުދިންނާއި 5 އަންހެނުން ކަމަށް އެމްއެންޑީއެފުން ބުނެއެވެ.
