ސީޓުއެއާ ގެ ހިދުމަތް ފެށިފަހުން 3000 ޓާނުގެ މުދާ އުފުލާފައިވާކަމަށް ޓްރާންސްޕޯޓް މިނިސްޓްރީން ބުނެފި އެވެ.
ޓްރާންސްޕޯޓް މިނިސްޓްރީން ބުނީ މި މަހުގެ 7 ގެ ނިޔަލަށް ސީ-ޓު-އެއާ ކާގޯގެ ހިދުމަތާ 17 އެއާލައިނެއް ގުޅިފައިވާ ކަމަށާއި، އަދި 24 ގައުމަކަށް ވައިގެ މަގުން މިހާރު މުދާ ފޮނުވަމުންދާ ކަމަށެވެ. އެގޮތުން މިހާތަނަށް 3،617 ޓަނުގެ ކާގޯ އުފުލާފައިވާ ކަމަށްވެސް އެ މިނިސްޓްރީން ބުނެފައި ވެއެވެ.
ސީ-ޓު-އެއަރ ކާގޯ ޚިދުމަތަކީ މޯލްޑިވްސް އެއާޕޯޓްސް ކޮމްޕެނީ ލިމިޓް (އެމްއޭސީއެލް) އާއި މޯލްޑިވްސް ޕޯރޓްސް ލިމިޓެޑް (އެމްޕީއެލް) ގުޅިގެން 15 މެއި 2024 ގައި ތަޢާރަފްކޮށްްފައިވާ ހިދުމަތެކެވެ. އަދި މިޙިދުމަތުގެ ސަބަބުން ރާއްޖެއަށް ބޮޑު ނަފައެއް ލިބެމުންދާކަމަށް އެމްޕީއެލް އިން ވަނީ ހާމަކޮށްފައެވެ.
