1 ޑިސެމްބަރުން 2020 ފެށިގެން މިފްކޯއަށް މަސްކިރޭނީ ސާފުތާހިރު ކަމުގެ ސެޓްފިކެޓް އޮންނަ ދޯނިފަހަރަށް އެކަނިކަމަށް މިފްކޯއިން ބުނެފިއެވެ.
މިފްކޯއިން އާންމުކޮށްފައިވާ އިއުލާނެއްގައި ބުނެފައިވަނީ 1 ޑިސެމްބަރު 2020 ފެށިގެން މިފްކޯގެ ސެންޓަރުތަކަށާއި އެކުންފުނީގެ ބޯޓުފަހަރަށް މަސްކިރާއިރު، ފިޝަރީޒް މިނިސްޓްރީން މަސްވެރިކަމަށް ދޫކޮށްފައިވާ ލައިސެންސްގެ އިތުރުން މޯލްޑިވްސް ފުޑްއެންޑް ޑްރަގް އޮތޯރިޓީން ދޫކޮށްފައިވާ ސާފުތާހިރުކަމުގެ ސެޓްފިކެޓް (ހައިޖީނިކް ސެޓްފިކެޓް) އޮތްތޯ ޗެކްކުރާނެކަމަށާއި، މި ސެޓްފިކެޓް ނެތް ދޯނިފަހަރުގެ މަސް އެކުންފުންޏަށް ނުގަންނާނެކަމަށެވެ.
