ކަނޑުދަތުރުކުރާ ފަރާތްތަކުން މޫސުމަށް ސަމާލުކަންދިނުމަށް އެމްއެންޑީއެފްގެ ކޯސްޓްގާޑުން އިލްތިމާސްކޮށްފިއެވެ.
އެމްއެންޑީއެފުން ކުރި ޓްވީޓެއްގައި ބުނީ މިދުވަސްވަރަކީ މޫސުން ގޯސް ދުވަސްވަރަކަށްވާތީ ކަނޑުދަތުކުރާ ފަރާތްތަކުން މޫސުމަށް ސަމާލުކަން ދިނުމަށް އިލްތިމާސްކުރާ ކަމަށެވެ.
މޫސުމާބެހޭ ޤައުމީ އިދާރާއިން ބުނީ، ރާއްޖޭގެ ކަނޑުތައް ގަދަވާނެކަމަށާއި، ކަނޑުގެ ރާޅުގެ އުސްމިން 4 ފޫޓާއި 6 ފޫޓަށް އުފުލޭނެކަމަށެވެ.
ރާއްޖޭގެ ހުރިހާ ހިސާބަކަށްވެސް ގުގުރުމާއެކު ބޯކޮށް ވާރޭ ވެހޭނެކަމަށާއި، ވިލާގަނޑުގައި 40 މޭލަށް ވައި ގަދަވާނެކަމަށް މޫސުމާބެހޭ ޤައުމީ އިދާރާއިން ވަނީ ލަފާކޮށްފައެވެ.
ރާއްޖެއަށް މިހާރު ކުރަމުންދާ ވިއްސާރައިގައި ބައެއް ރަށްރަށުގައި ފެންބޮޑުވެ ގެއްލުން ވަމުންދާކަމަށް މަޢުލޫމާތުލިބެއެވެ. ރޭ މާލޭގައިވެސް ފެންބޮޑުވުމުގެ ސަބަބުން ސިފައިން ވަނީ ޕަމްޕްގެ އެހީގައި ފެންބޮޑުވުން ކޮންޓްރޯލްކޮށްފައެވެ.
