އއ. އުކުޅަހުގައި ސަރުކާރުން އިމާރާތްކުރާ 50 ހައުސިންގ ޔުނިޓް ތަރައްގީކުރުމުގެ މަޝްރޫޢުގެ އަމަލީ މަސައްކަތް ފަށައިފި އެެވެ.
1 އަހަރާއި 7 މަސް ތެެރޭ މަޝްރޫއުގެ މަސައްކަތް ނިންމާގޮތަށް އަލްޓެކް މޯލްޑިވްސް ޕްރައިވެޓް ލިމިޓެޑާ ހަވާލުކޮސްގެން ކުރިއަށްގެންދާ މި މަޝްރޫއުހގެ އަމަލީ މަސައްކަތް ފައްޓަވައިދެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އުކުޅަހަށް ކުރައްވަމުން ގެންދަވާ ދަތުރުފުޅުގެ ތެރެއިންނެވެ.
މި މަޝްރޫއު ހިންގުމަށް އަލްޓެކް ޕްރައިވެޓް ލިމިޓެޑާއި ހަވާލުކުރީ މިދިޔަ އޯގަސްޓްމަހު ރައީސުލކްޖުމްހޫރިއްޔާ ޑރ މުހައްމަދު މުއިއްޒު އެރަށަށް ކުރެއްވި ޒިޔާރަތުގެ ތެރެއިން އެރަށުގެ ރައްޔިތުންނާ ބައްދަލުކުރުމަށް ބޭއްވި ރަސްމިއްޔާތުގައެވެ.
