ކ. ގުޅީފަޅުކަރީ އަޅާފައިއޮތް "ވިކްޓޯރިއާ 301″ ބޯޓުގެ އިންޖީނު ރޫމުގައި ދިޔަވާތީ އެމްއެންޑީއެފުން ހަރަކާތްތެރިވާން ފަށައިފިއެވެ.
އެމްއެންޑީއެފުން ބުނީ މިއަދު 8 ޖަހާކަންހާއިރު މި ހާދިސާގެ ރިޕޯޓް ލިބުމާ ގުޅިގެން ކޯސްޓްގާރޑުގެ ޑައިވަރުންނާއެކު ސިފައިން ހަރަކާތްތެރިވާން ފަށާފައިވާކަމަށެވެ. މިހާދިސާ ހިނގިއިރު ބޯޓުގައި ދިވެހި 8 ފަޅުވެރިން ތިބިކަމަށް އެމްއެންޑީއެފުން ބުނެއެވެ.
މިހާދިސާ ހިނގަން މެދުވެރިވި ސަބަބެއް އެމްއެންޑީއެފުން އަދި ހާމައެއް ނުކުރައްވައެވެ.
1100 ޓަނުގެ ކާގޯ އުފުލޭ މި ބޯޓަކީ ވިވްކޯ އެނާޖީ ސިލިއުޝަން ޕްރައިވެޓް ލިމިޓެޑްގެ ބޯޓެކެވެ.
