މިއަދު ރާއްޖެއިން ކޮވިޑް 19 ވައިރަސްއަށް 2،012 ސާމްޕަލް ނެގިއިރު، މީގެތެރެއިން ޕޮޒިޓިވްވީ 16 މީހުން ކަމަށް ހެލްތު ޕްރޮޓެކްޝަން އެޖެންސީން ހާމަކޮށްފިއެވެ.
އެޗް.ޕީ،އޭއިން ބުނީ، މިއަދު ޕޮޒިޓިވްވި މީހުންގެ ތެރޭގައި ހިމެނެނީ، މާލެ ސަރަހައްދުން ޕޮޒިޓިވްވި 9 މީހުންނާއި، ރަށްރަށުން ޕޮޒިޓިވްވި 5 މީހުންގެ އިތުރުން ރިސޯޓުތަކުން ޕޮޒިޓިވްވި 2 މީހުން ކަމަށެވެ.
މިމީހުންނާއެކު ބައްޔަށް ޕޮޒިޓިވްވި މީހުންގެ އަދަދު 13،159 އަށް އަރާފައިވާއިރު، މިމީހުންގެ ތެރެއިން މިހާރު ބައްޔަށް ފަރުވާކުރަނީ 841 މީހުންނެވެ. އަދި ހޮސްޕިޓަލްގައި އެޑްމިޓްކޮށްގެން ފަރުވާކުރަނީ 79 މީހުންނެވެ.
ރާއްޖެއިން ބަލި ޖެހުނު މީހުންގެ ތެރެއިން 12،264 މީހުންވަނީ ބަލިން ރަގަޅުވެފައެވެ.
މިހާތަނަށް ރާއްޖެއިން މިބަލީގައި 47 މީހުން މަރުވެފައިވެއެވެ.
