އިނގިރޭސިވިލާތުގެ މެޓް އޮފީހުގެ ސައިންޓިސްޓުން ލަފާކުރަމުންދާ ގޮތުގައި، 2021 ވަނަ އަހަރަކީ ދުނިޔޭގެ ފިނިހޫނުމިން ދައްވާނެ އަހަރެކެވެ. ނަމަވެސް ފިނިހޫނުމިން ދަށުގައި އުޅޭ އަހަރުތަކުގެ ލިސްޓުގެ ހަވަނައިގެ ތެރޭގައި ހިމެނޭނެ ކަމަށް ސައިންޓިސްޓުން ލަފާކުރެއެވެ.
ލަ ނީނާ (La Niña) މޫސުމީ ނިޒާމުން ދުނިޔޭގެ ފިނިހޫނުމިން ދަށްވިކަމުގައިވިޔަސް ދުނިޔެއިން ބޭރުކުރާ ގުރީންހައުސް ގޭހުގެ މިންވަރަށް ބަދަލެއް ނާންނާނެ ކަމަށް މުސުމާއި ބެހޭ މާހިރުން ވިދާޅުވެއެވެ.
މޫސުމީ ބަދަލުތަށް ދިރާސާކުރާ ފަރާތްތަކުން ބުނެފައި ވަނީ އިންޑަސްޓްރިއަލް ޒަމާން ފެށުމުގެ ކުރިން ހުރި ވަރަށް ވުރެ، ދުނިޔޭގެ އެވްރެޖް ފިނިހޫނުމިން މިއަހަރު އެއް ޑިގްރީ ސެލްސިއަސް މަތިވާނެ ކަމަށް ބެލެވޭ ކަމަށެވެ.
ފާއިތުވެދިޔަ އަހަރުތަކު ތެރޭގައި ދުނިޔޭގެ ފިނި ހޫނުމިނަށް ގިނަ ބަދަލުތަކެއް ވަނީ އައިސްފަ އެވެ. އެއްކޮޅުން ކަނބޮޑުވާ މިންވަރަކަށް ހޫނުގަދަ ވަމުންދާއިރު އަނެއް ބަޔަކު އުޅެނީ ވާރޭވެހި ފެންބޮޑުވާތީ ނުވަތަ ފިނިފައިބާ ގައުމުތަކުން ފިނިން ސަލާމަތް ނުވެވިގެންނެވެ.
އަދި މިހާ ހޫނު ގަދަވެފައި ވަނީ އިންސާނުންގެ އަމަލުތަކުގެ ސަބަބުނާއި، ދުނިޔެ ހޫނުވުމަށް ގުދުރަތިގޮތުން މެދުވެރިވާ ކަންތައްތަކު ކަމަށް ވެސް ދިރާސާކުރާ ފަރާތްތަކުން ބުނެފައިވެ އެވެ. މުސުމަށް އަންނަބަދަލުތައް ދިރާސާކުރާ ސައިންޓިސްޓުން ބުނެފައިވާ ގޮތުގައި އެއް އަހަރުން އަނެއް އަހަރަށް ދުނިޔޭގެ ހޫނުމިނަށް ހީވެސް ނުކުރާހާ ބޮޑު ބަދަލުތަކެއް އަންނަމުދެއެވެ. އެގޮތުން މިހިނގާ ފަސް އަހަރަކީވެސް ދުނިޔޭގެ އެންމެ ހޫނު ގަދަ ފަސް އަހަރެވެ.
އިނގިރޭސިވިލާތުގެ މެޓް އޮފީހުން ހާމަކުރާގޮތުގައި ލަ ނީނާ (La Niña) ގެ ސަބަބުން ކުރިއަށް އޮތް 2021 ވަނަ އަހަރު ދުނިޔޭގެ ޓްރޮޕިކަލް ޕެސެފިކް އޭރިއާގެ ފިނިހޫނުމިނަށް ބޮޑުބަދަލުތަކެއް އަންނާނެއެވެ.
މިފަދަ މޫސުމީ ބަދަލުތަކުގެ އަސަރު އެންމެ ބޮޑަށް ކުރާ އެއް ގައުމަކަށް ދިވެހިރާއްޖެ ވާނެ އެވެ.
