އޮޅުވެލި ރިސޯޓްގައި ރޭ ހިނގި އަލިފާނުގެ ހާދިސާގައި އެ ރިސޯޓްގެ ދެ ކޮޓަރި ބޭނުން ނުކުރެވޭވަރަށް އަނދާފައިވާކަމަށް އެމްއެންޑީއެފުން ބުނެފިއެވެ.
އެމްއެންޑީއެފުން ބުނީ ރޭ މެންދަމު އެ ރިސޯޓްގައި ހިނގި އަލިފާނުގެ ހާދިސާގައި އެއްވެސް މީހަކަށް ގެއްލުމެއް ލިބިފައިނުވާކަމަށެވެ. އެމްއެންޑީއެފްގެ ފަޔަރ އެންޑް ރެސްކިއުޓީމް ރިސޯޓަށް ދިޔައިރު ރިސޯޓްގެ މުވައްޒަފުން ކުރި މަސައްކަތުން އަލިފާންގަނޑު ނިއްވާލާފައިވާކަމަށް އެމްއެންޑީއެފުން ބުނެއެވެ.
މިހާދިސާ ހިނގަން މެދުވެރިވި ސަބަބެއް ކަމާބެހޭ ފަރާތަކުން އަދި ހާމައެއް ނުކުރައްވައެވެ. ނަމަވެސް ރިސޯޓްގެ މުވައްޒަފުންނާ ހަވާލާދީ ބައެއް ފަރާތްތަކުން ބުނީ މި ހާދިސާ ހިނގީ "ހޮނު" އެޅުމުގެ ސަބަބުންނެވެ.
