އެމްއެމްޕީއާރުސީގެ އިތުރު މައްސަލައެއްގައި ރައީސް ޔާމީން ޕޮލިހަށް ހާޒިރުވާން އަންގައިފިއެވެ.
ރައީސް ޔާމީންގެ ގާނޫނީ ވަކީލުންގެ ޓީމްގައި ހިމެނިވަޑައިގަންނަވާ ބޭފުޅަކު ވިދާޅުވީ، އެމަނިކުފާނު ފުލުހަށް ހާޒިރުވާން ޖެހޭކަން އަންގާފައިވަނީ އަންނަ އަންގާރަ ދުވަހުގެ މެންދުރު 13:00 ގައި ކަމަށެވެ.
ރައީސް ޔާމީންގެ މައްޗަށް ފަސް އަހަރުގެ ޖަލު ހުކުމެއް 28 ނޮވެމްބަރު 2019 ގައި އިއްވީ، އެމަނިކުފާނުގެ ވެރިކަމުގައި ހިނގި އެމްއެމްޕީއާރުސީގެ ބޮޑު ހިޔާނާތުގައި ހިމެނޭ ފައިސާގެ ތެރެއިން އެއް މިލިއަން ޑޮލަރު އެމަނިކުފާނުގެ އަމިއްލަފުޅު އެކައުންޓަށް ޖަމާކުރެއްވި ކަމަށް ތުހުމަތު ކުރާ މައްސަލައިގައެވެ. މި ހުކުމަށް ހައިކޯޓުންވެސް ވަނީ ތާޢީދުކޮށްފައެވެ.
