ޓްރާންސް މޯލްޑިވިއަން އެއާޥޭސް (ޓީއެެމްއޭ)ގެ އޮޕަރޭޝަންތައް ފުޅާކޮށް އެެތެރޭގެ އުދުހުންތައް ފަށަން ތައްޔާރުވެއްޖެއެވެ.
ޓީއެމްއޭ އިން ބުނީ އެކުންފުނިން މިހާރު އަންނަނީ އޮޕަރޭޝަންތައް ފުޅާކޮށް ވީލް ބޭސްޑް އޮޮޕަރޭޝަންތައް ފެށުމަށް ތައްޔާރުވަމުންނެވެ. ޓީއެމްއޭއިން ބުނީ އެތެރޭގެ އުދުހުންތަކުގައި ބޭނުންކުރާނެ މަތިންދާ ބޯޓުތައް މިހާރު ހޯދަމުން އަންނަ ކަމަށާއި އެކުންފުނިން ޚިދުމަތް ފެށުމަށްފަހު 24 ގަޑިއިރު ޚިދުމަތް ދޭނެ ކަމަށެވެ. ޓީއެމްއޭގެ އޮޕަރޭޝަންތަކަށް ޅ. މަޑިވަރު އެއާޕޯޓު ބޭނުން ކުރުމަށް ވަނީ ނިންމައިފައެވެ.
ޓީއެމްއޭ އަކީ ދުނިިޔޭގެ އެންމެ ބޮޑު ސީޕްލޭން އޮޕަރޭޓަރެވެ. ޓީއެމްއޭގެ ފުލީޓުގައި މިހާރުވެސް 56 ސީޕްލޭން އޮތް އިރު އިތުރު 4 ސީޕްލޭން ގެނައުމަށް މިހާރު މަސައްކަތް ކުރަމުންދާކަމަށް ޓީއެމްއޭއިން ބުނެއެވެ. މިއާއެކު މިއަހަރު ނިމޭއިރު އެކުންފުނީގެ ފްލީޓުގައި ޖުމްލަ 60 ސީޕްލޭން އޮންނާނެ ކަމަށް ޓީއެމްއޭއިން ބުނެއެވެ.
ޓީއެމްއޭއިން ސީޕްލޭންގެ ހިދުމަތް ފަށާފައި ވަނީ 1997 ވަނަ އަހަރުގެ ތެރޭގައެވެ. 80 ރިސޯޓަކަށް ޓީއެމްއޭ އިން ދަތުރުކުރަމުން އަންނަ އިރު ދުވާލެއްގެ މައްޗަށް 157 ދަތުރު ޓީއެމްއޭ އިން ކުރެއެވެ.
