ހެލްތް ޕްރޮޓެކްޝަން އެޖެންސީއާއި ޑަބްލިއު.އެޗް.އޯގެ މިންގަނޑުތަކާ ޚިލާފަށް، އެއްވެއުޅުމާއި މުޒާހަރާކުރުމަކީ މި ކޮމިޝަނުން އިންތިހާއަށް ކަންބޮޑުވާކަމެއްކަމަށް ހިއުމަން ރައިޓްސް ކޮމިޝަނުން ވިދާޅުވެއްޖެއެވެ.
އެޗްއާރްސީއެމް އިން ރޭ ނެރުނު ބަޔާނެއްގައި ބުނީ ޞިއްޙަތުގެ ނުރައްކަލުގައި މުޅި ދުނިޔެ އޮތް މި ދަނޑިވަޅުގައި ރާއްޖެއިންވެސް ކޯވިޑް-19 ޖެހިގެން އެތައް ބައެއްގެ ފުރާނަ ގެއްލިފައިވާއިރު މިޙާލަތުގައި، ރާއްޖޭގެ ހެލްތް ޕްރޮޓެކްޝަން އެޖެންސީއާއި ޑަބްލިއުއެޗްއޯގެ މިންގަނޑުތަކާ ޚިލާފަށް، އެއްވެއުޅުމާއި މުޒާހަރާކުރުމަކީ އެޗްއާރްސީއެމް އިން އިންތިހާއަށް ކަންބޮޑުވާކަމެއް ކަމަށެވެ.
"މިފަދަ ދަނޑިވަޅެއްގައިވެސް ޚިޔާލުފާޅުކުރުމުގެ މިނިވަންކަމަކީ ދިމިޤްރާތީ މުޖުތަމަޢެއްގައި ކޮންމެ ފަރުދަކަށްވެސް ލިބެންޖެހޭ ޙައްޤެއްކަން މި ކޮމިޝަނުން ޤަބޫލުކުރަން. އަދި މިއީ ދައުލަތުގެ ކަމާބެހޭ މުއައްސަސާތަކާއި ތަންފީޛު އިދާރާތަކުންވެސް އިޙްތިރާމްކުރަންޖެހޭނެ ޙައްޤެއްކަންވެސް ކޮމިޝަނުންދެކެން. ނަމަވެސް، ޢާއްމު ޞިއްޙަތުގެ ނުރައްކަލުގައި މުޅި ދުނިޔެ އޮތް މި ދަނޑިވަޅުގައި ރާއްޖެއިންވެސް ކޯވިޑް-19 ޖެހިގެން އެތައް ބައެއްގެ ފުރާނަ ގެއްލިފައިވާއިރު މިޙާލަތުގައި، ރާއްޖޭގެ ހެލްތް ޕްރޮޓެކްޝަން އެޖެންސީއާއި ޑަބްލިއު.އެޗް.އޯގެ މިންގަނޑުތަކާ ޚިލާފަށް، އެއްވެއުޅުމާއި މުޒާހަރާކުރުމަކީ މި ކޮމިޝަނުން އިންތިހާއަށް ކަންބޮޑުވާކަމެއް." އެޗްއާރުސީއެމް ގެ ބަޔާނުގައި ވެއެވެ.
ކޮވިޑް-19 އާއި ގުޅިގެން ސިއްހީ ކުއްލި ނުރައްކަލުގެ ހާލަތު އިއުލާންކޮށްފައި އޮންނައިރު ވެސް ޚިޔާލުފާޅު ކުރުމުގެ މިނިވަންކަމަކީ ދިމިޤްރާތީ މުޖުތަމަޢެއްގައި ކޮންމެ ފަރުދަކަށްވެސް ލިބެންޖެހޭ ޙައްޤެއްކަން ހިއުމަން ރައިޓް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އިން ގަބޫލުކުރާ ކަމަށާއި މިއީ ދަޢުލަތުގެ ކަމާބެހޭ މުއައްސަސާތަކާއި ތަންފީޒީ އިދާރާތަކުންވެސް އިޙްތިރާމް ކުރަންޖެހޭނެ ޙައްޤެއްކަންވެސް ކޮމިޝަނުންދެކޭ ކަމަށް އެކޮމިޝަނުން ވަނީ ބުނެފައެވެ.
