ވަޒީރެއްގެ އިތުބާރު ނެތުމުން މަޤާމުން ވަކިކުރުމަކީ ރިޔާސީ ނިޒާމެއްގައި ރައީސުލްޖުމްހޫރިއްޔާއަށް ލިބިގެންވާ ބާރެއްކަމަށާއި އެކަމަކީ މަޖިލީހުގެ އިޚްތިޞާޞެއް ނޫންކަމަށް ކުރީގެ އުއްތަމަ ފަނޑިޔާރު ޑރ. އަޙްމަދު ޢަބްދުﷲ ދީދީ ވިދާޅުވެއްޖެއެވެ.
ކުރީގެ އުއްތަމަ ފަނޑިޔާރު މިހެން ވިދާޅުވެފައި މިވަނީ ސަރުކާރު ކޯލިޝަންގައި ހިމެނޭ ޖުމްހޫރީ ޕާޓީގެ ކެބިނެޓް މިނިސްޓަރެއްކަމުގައިވާ މަލީޙު މަޤާމުން ދުރުކުރުމަށް ސަރުކާރު ހިންގާ މައި ޕާޓީ އެމްޑީޕީގެ ސާފު މެޖޯރިޓީ އޮންނަ ރައްޔިތުންގެ މަޖްލީހުން މިއަދު ފާސްކޮށްފައި ވަނިކޮށް، މިރޭގެ ވަގުތެއްގައި ކުރެއްވި ޓްވީޓެއްގައެވެ.
ޑރ. އަޙްމަދު ޢަބްދުﷲ ދީދީގެ މިޓްވީޓުގައި އެމަނިކުފާނުގެ ވިދާޅުވެފައިވާ ވިދާޅުވުމުގެ ސަބަބު ދައްކަވަމުން، ވަޒީރުންނަކީ ޕާލަމެންޓަރީ މެޖޯރިޓީއަކުން އުފަންވާ ބައެއް ނޫންކަމަށްވެސް އެޓްވީޓްގައި ވިދާޅުވެފައިވޭމެއެވެ.
ވަޒީރެއްގެ އިތުބާރު ނެތުމުން މަޤާމުން ވަކިކުރުމަކީ ރިޔާސީ ނިޒާމެއްގައި ރައީސުލްޖުމްހޫރިއްޔާއަށް ލިބިގެންވާ ބާރެއް. މަޖިލީހުގެ އިޚްތިޞާޞެއް ނޫން. އެހެނީ ވަޒީރުންނަކީ ޕާލަމެންޓަރީ މެޖޯރިޓީއަކުން އުފަންވާ ބައެއް ނޫން. https://t.co/OpDMUOIpoX
— Dr. Ahmed Abdulla Didi (@AABDULLADIDI) March 1, 2021
ރައްޔިތުންގެ މަޖްލީހުގެ މިއަދުގެ ޖަލްސާގައި ކޮމިޔުނިކޭޝަން މިނިސްޓަރު މަލީޙް ޖަމާލް މަޤާމުން ދުރުކުރުމުގެ މައްސަލައިގެ ބަޙުސްގައި އެމްޑީޕީގެ މެންބަރުންގެ އިންތިހާ ފާޑުކިޔުން މިނިސްޓަރަށް އަމާޒުކުރަށްވާފައި ވާއިރު، އިދިކޮޅާއެކު ސިއްރު ގުޅުންތައް ބާއްވަމުން ގެންދަވާކަމުގެ ތުހުމަތުތައްވެސް މާލީހުގެމައްޗަށް ކުރެވިގެންދިޔަތަން ފެނިގެންދިޔައިރު މިނިސްޓަރު މަލީހުވެސް ކުޑަކޮށްވެސް ފަސްޖެހިވަޑައިނުގެން ރައްދުދެއްވަމުން ގެންދެވިކަން ފާހަގަކޮށްލެވެއެވެ.
