ރާއްޖެއިން މިއަދު 1091 މީހުން ޕޮޒިޓިވްވެއްޖެއެވެ.
އެޗް.ޕީ.އޭއިން ހާމަކޮށްފައިވާ އެންމެފަހުގެ ތަފާސް ހިސާބުތައް ދައްކާގޮތުން އިއްޔެގެ އިރުއޮއްސި 6:00 އިން ފެށިގެން މިއަދު އިރުއޮއްސި 6:00 އާ ހަމައަށް ރާއްޖެއިން 1091 މީހަކު ވަނީ ކޯވިޑް ޕޮޒިޓިވްވެފައެވެ. މާލޭ ސަރަޙައްދުން އެކަނިވެސް 933 މީހުން ވަނީ ޕޮޒިޓިވް ވެފައެވެ. އަދި އަތޮޅުތަކުގެ ރަށްރަށުން 147 މީހުން ޕޮޒިޓިވްވެފައިވާއިރު، ރިސޯޓުތަކުން 6 މީހަކާއި، ސަފާރީތަކުން 3 މީހަކާއި، ތަރައްޤީކުރަމުން އަންނަ ރަށްތަކުން 2 މީހުން ވަނީ ޕޮޒިޓިވް ވެފައެވެ. މިއީ 4،507 ސާމްޕަލްގެ ތެރެއިން ޕޮޒިޓިވްވީ މީހުންނެވެ. މިއާއެކު ރާއްޖެއިން ކޯވިޑް-19އަށް ޕޮޒިޓިވްވި މީހުންގެ ޖުމްލަ ޢަދަދު މިވަނީ 35،815 އަށް އަރާފައެވެ.
ރާއްޖެއިން ކޯވިޑް-19އަށް ޕޮޒިޓިވްވި މީހުންގެ ތެރެއިން މިއަދު 307 މީހުން ވަނީ ބަލިން ރަނގަޅުވެފައެވެ. މިއާއެކު ކޯވިޑް-19އަށް ޕޮޒިޓިވްވި މީހުންގެ ތެރެއިން ޖުމުލަ 26،299 މީހުން ވަނީ ބަލިން ރަނގަޅުވެފައެވެ.
މިވަގުތު މިބައްޔަށް 9،423 މީހުން ފަރުވާ ހޯދަމުންދާއިރު 250 މީހަކަށް ހޮސްޕިޓަލުގައި އެޑްމިޓްކޮށްގެން އަންނަނީ ފަރުވާ ދެމުންނެވެ.
ރާއްޖެއިން މިބަލީގައި ވަނީ 84 މީހުން ނިޔާވެފައެވެ.
