ޔުއެފާ ޗެމްޕިއަންސް ލީގުގައި ސްވިޒަލޭންޑްގެ ޔަންގް ބޯއިސް އަތުން ބަލިވެ މެންޗެސްޓަރ ޔުނައިޓެޑް ބޮޑު ލަދެއްގައި ބެދިއްޖެއެވެ.
މި މެޗުގައި ޔުނައިޓެޑަށް ކުރިމަތިވި އެންމެ ބޮޑު މައްސަލަޔަކީ އެޓީމުގެ ޑިފެންޑަރު ވެން ބިސާކާއަށް ފުރަތަމަ ހާފުގައި ރަތްކާޑު ދެއްކުމުގެ ސަބަބުންނެވެ. 35 ވަނަ މިނެޓްގައި އޭނާއަށް ރަތްކާޑު ދެއްކީ ޔަންގްބޯއީސްގެ ކުޅުންތެރިއެއްގެ ފައިމައްޗަށް ފައިން އެރުމުގެ ސަބަބުންނެވެ.
ސްވިޒަލޭންޑުގެ ޔަންގް ބޯއިސް ކޮޅަށް ޖެހި ލަނޑާއެކު ޔުއެފާ ޗެމްޕިއަންސް ލީގުގައި ކީޕަރު އިކާ ކަސިޔަސް އަދި ލިއޮނަލް މެސީ ހަދާފައިވާ ރެކޯޑަކާއި ކްރިސްޓިއާނޯ ރޮނާލްޑޯ ވަނީ އަރާ ހަމަކޮށްފައެވެ.
2009 ގެ ފަހުން ކްރިސްޓިއާނޯ ރޮނާލްޑޯ ޔުނައިޓެޑަށް އެނބުރި އައިސް ފުރަތަމަ މެޗެެއް ކުޅުނީ މިދިޔަ ހަފުތާގެ އަންގާރަ ދުވަހުގައެވެ. ޕްރިމިއަރ ލީގުގައި ކުޅުނު އެ މެޗުގައި ރޮނާލްޑޯ ދެ ލަނޑު ޖަހާފައިވެއެވެ. މިއީ ރޮނާލްޑޯގެ 2 ވަނަ މެޗެވެ. މި ގްރޫޕްގެ އަނެއްމެޗް ނިމުނީ 2 ލަނޑު 2 ލަނޑުން އެއްވަރު ވެގެންނެވެ. މިނަތީޖާއާއެކު ޔުނައިޓެޑް އޮތީ ގްރޫޕްގެ އެންމެ ފުލުގައެވެ.
