އިނގިރޭސި ޕްރިމިއާ ލީގުގައި ސައުތެމްޓަން ބަލިކޮށް ލިވަޕޫލުން ލީގުގެ އެއްވަނައިގައި އޮތް ޗެލްސީ އާއި ޕޮއިންޓަކާއި ގާތަށް ޖެހިލައިފިއެވެ.
ލިވަޕޫލްގެ އެންފީލްޑް ސްޓޭޑިއަމްގައި ކުޅުނު މެޗު ލިވަޕޫލުން ކާމިޔާބުކުރީ ފަސޭހަ ކަމާއެކު 0-4 ގެ ނަތީޖާއަކުންނެވެ
މި މެޗު ފަށައިގެން 2 ވަނަ މިނެޓުގައި ލިވަޕޫލަށް ފުރަތަމަ ލަނޑު ޖަހައިދިނީ ރޮބަޓްސަންގެ އެހީތެރިކަމާއެކު ޖޮޓާއެވެ. މިއީ މި ފަހަރުގެ ޕްރިމިއާ ލީގުގައި ފެނުނު އެންމެ އަވަސް ލަނޑެއެވެ. މެޗްގެ 2 ވަނަ ލަނޑު 32 ވަނަ މިނެޓްގައި ކާމިޔާބުކުރީވެސް ޖޮޓާއެވެ. މިއީ ސަލާހުގެ އެހީތެރިކަމާއެކު ޖޮޓާ ޖެހި ގޯލެކެވެ. މޮޅު ކުޅުމެއް ދައްކަމުން ދިޔަ ލިވަޕޫލްގެ 3 ވަނަ ލަނޑު ޖެހީ 37 ވަނަ މިނެޓްގައި ތިއާގޯ އަލްކަންޓާރާއެވެ. މެޗުގެ 4 ވަނަ ލަނޑު 52 ވަނަ މިނެޓުގައި ކާމިޔާބުކުރީ ސައުތަމްޓަންގެ ކުރީގެ ކެޕްޓަން ވާޖިލް ވެން ޑައިކެވެ.
ސައުތެމްޓަން އަތުން ހޯދި ބޮޑު މޮޅާއެކު ލިވަޕޫލުން ވަނީ ލީގުގައި މިހާތަނަށް ކުޅުނު 13 މެޗުން 28 ޕޮއިންޓް ހޯދައި، ތާވަލްގެ 1 ވަނައިގައި އޮތް ޗެލްސީއާ ޕޮއިންތަކާ ގާތަށް ޖެހިލާފައެވެ. ލީގުގެ އެއްވަނައިގައި ޗެލްސީ އޮތީ 12 މެޗުން ލިބުނު 29 ޕޮއިންޓާއެކު ގައެވެ.
