ސަރުކާރު ހިންގާ ޕީއެންސީން މިރޭ ބާއްވާ އެއްވުމަކީ މިހާތަނަށް ރާއްޖޭގެ ސިޔާސީ ޕާޓީއަކުން ބާއްވާ އެންމެ ބޮޑު އެއްވުމަށް ވުމުގެ ފުރުޞަތު އެބައޮތެވެ. ރައީސް ޑރ. މުހައްމަދު މުއިއްޒު ވެރިކަމާ ހަވާލުވިތާ ދެއަހަރު ފުރުމާ ދިމާކޮށް ބާއްވާ މި ޖަލްސާއަށް ރާއްޖޭގެ ހުރިހާ ރަށަކުން އެތައް ބަޔަކު އަންނަނީ މާލެއަށް ޖަމާވަމުންނެވެ. ޖަލްސާގައި މީހުން ގިނަ ކުރުމަށް ޕީއެންސީން ގެންދަނީ ތަފާތު އުކުޅުތައް ބޭނުންކޮށް ވަރަށް ފޯރީގައި ކެމްޕެއިން ކުރަމުންނެވެ. ސިޔާސީ މީހުންނާއި، މުނިފޫހި ފިލުވުމުގެ ދާއިރާގައި ހަރަކާތްތެރިވާ ފަރާތްތަކާއި އެކްޓިވިސްޓުން މެދުވެރިކޮށް ޖަލްސާ ޕްރަމޯޓް ކުރުމަށް ތަފާތު ވީޑިއޯތައް ސޯޝަލް މީޑިއާގައި ދަނީ ފަތުރަމުންނެވެ. "މަވެސް ދާނަން" މި ޝިއާރުގެ ދަށުން މި ޖަލްސާގައި އެތައް ހާސް ބަޔަކު ބައިވެރިވާނެކަމަށް ބެލެވޭއިރު ޖަލްސާގެ އެންމެ ފަހުގެ ތައްޔާރީތައް ބައްލަވައިލެއްވުމަށް ރައީސް ޑރ. މުއިއްޒު ވަނީ މިއަދު އެ ސަރަހައްދަށް ވަޑައިގެންފައެވެ.
ޕީއެންސީ ހަރުގެއަށް ރައީސް @MMuizzu
ޒިޔާރަތް ކުރެއްވުން.#DhiveheengeRaajje#hafthaa104 pic.twitter.com/Jmg6oVoNlC— PNC Secretariat (@pnc_secretariat) November 14, 2025
މިރޭ 8:30 ގައި އާރޓިފިޝަލް ބީޗްގައި ފަށާ މި ޖަލްސާއަށް އާޓިފިޝަލް ބީޗް ހިމެނޭ ސަރަހައްދުގެ ބޮޑުތަކުރުފާނު މަގުގެ އިތުރުން މަޖީދީ މަގު، ސޯސަން މަގާހަމައަށް ބަންދުކުރާނެ ކަމަށް ފުލުހުން ވަނީ އިއުލާންކޮށްފައެވެ. މިޖަލްސާއަށް ކަނޑުމަގުންނާއި ވައިގެ މަގުން އެތައް ބަޔަކު މާލެއަށް ޖަމާވަމުންދާއިރު ޖަލްސާގެ ފޯރި ގަދަކުރުމަށް ޕީއެންސީން ގެންދަނީ މަސައްކަތް ކުރަމުންނެވެ. ޖަލްސާއަށް އަންނަ ފަރާތްތަކަށް ޕީއެންސީން ގެންދަނީ ވަރަށް ނޫހު މަރުހަބާ ކިޔަމުންނެވެ.
މަވެސްދާނަން ! ދިވެހީންގެ ރާއްޖެ ބައްދަލުވުމަށް ރާއްޖޭގެ އެކި ކަންކޮޅުތަކުން މެމްބަރުންނާއި ތާއިދުކުރާ ފަރާތްތަކުން އަންނަންފަށައިފި.
14 ނޮވެމްބަރު 2025
20:30
އާޓިފިޝަލް ބީޗަށް #DhiveheengeRaajje#hafthaa104 pic.twitter.com/MR2jYYNwFT— PNC Secretariat (@pnc_secretariat) November 14, 2025
މި ޖަލްސާގައި ރައީސް ޑރ. މުހައްމަދު މުއިއްޒު ބައިވެރިވެވަޑައިގެން ރައްޔިތުންނަށް އުފާވެރި ހަބަރުތަކެއް ދެއްވާނެކަމަށް ޕީއެންސީން ބުނެއެެއެވެ.
