އެމްޑީޕީގެ ޗެއަރޕާސަން ކަމުގެ މަގާމް ފެބްރުއަރީ މަހު ހުސްވާއިރު ރާއްޖޭގެ ސިޔާސީ މަސްރަހު މިވަނީ ވަރަށް ބޮޑު ވާދަ ވެރިކަމެއްގެ ތެރޭގައެވެ. އެމްޑީޕީ އަށް ވެރިކަމާއި އެކީ 65 މަޖްލިސް ގޮނޑިއާއި ކައުންސިލް އިންތިހާބުގެ މެޖޯރިޓީ ވަނީ ލިބިފައެވެ. މިވަގުތު ކޮމަންޑޫ ބައިއިލެކްޝަން އޮތުމުގެ ސަބަބުން ސިޔާސި ހަރަކާތްތައް އެމްޑީޕީ އިން ހިންގަމުން ދިޔަޔަސް މިދިޔަ 3 އަހަރު ޕާޓީގެ އަޑުވަނީ ވަރަށް ބޮޑަށް މަޑުވެފައެވެ. ބައިބައިވުން އުފެދި އެމްޑީޕީ ތެރޭގައި ވަރަށް ގިނަ ފެކްޝަން ތަކެއް ވަނީ އުފެދިފައެވެ.
ހާއްސަކޮށް ޕާޓީގެ އިސް ސަފުގައިތިބި ލީޑަރުން އެކި ފެކްޝަން ތަކަށް ބެހުމުގެ ސަބަބުން ޕާޓީ އެއްބައިކޮށް ބަދަހިކޮށްލެވޭނެ މުގުލެއް ނުވަތަ ސަރުދާރެއް ނެތެވެ. އެމްޑީޕީ އަށް ލިބުނު އެންމެ ނިކަމެތިކަމަކީ 7 ފެބުރުއަރީގައި އެމްޑީޕީ ވެރިކަމުން ވައްޓާލާ އެމްޑީޕީ އަށް އެތައް އަނިޔާއެއްދިން ވަގުތެވެ. ނަމަވެސް ޕާޓީގެ ސަފުތައް ރުކުރުވާލާ ގަދަ ހިތްވަރާއި އެކީގައި ސިޔާސީ މަސައްކަތް ފަށާ މުޅި މަގުތަކާއި އުސްފަސްގަނޑު، ރީދޫ ފަހުލަވާނުންނާއެކު ފުރާލި ޗެއަރޕާސަން އަކީ ރީކޯ މޫސައެވެ. މިއަދު އެތައް ޕާތީތަކެއްގައި އުޅުނު އެތައް ބަޔަކު އެމްޑިޕީގެ އިސްސަފުން ފެންނައިރު ރީކޯ މޫސަ އަލުން އެމްޑީޕީ އަށް ގެނެސް ޗެއަރޕާސަން ކަމަށް އިންތިހާބު ނުކުރަންވީ ސަބަބެއް ނެތް ކަމަށް އެމްޑީޕީއަށް ވަފާތެރި އެކްޓިވިސްޓުން ބުނެއެވެ. އެހެނީ ރީކޯ މޫސަ ކަހަލަ ސިޔާސީ ތަޖުރިބާ ލިބިފައި ހުރި ކެރޭ މުރާލި ހިންގާލާނެ ލީޑަރެއް އަދި ދައުލަތުގެ އެއްވެސް މަގާމެއްގައި ނެތް ބޭފުޅަކު ގެނެސްގެން ޕާޓި އެއްބައި ކުރެވޭނެ ކަމުގައި އެމްޑީޕީގެ އެތައް މެމްބަރުންނެއް ދެކެއެވެ.
2023 ގައި ބާއްވާ ރިޔާސީ އިންތިހާބަކީ އެމްޑީޕީ އަށް ވަރަށް މުހިންމު އިންތިހާބެކެވެ. ޕީޕީއެމް އަށް ވެރިކަން ލިބިއްޖެނަމަ ދެން އޮންނާނީ ބަދަލު ހިފުން ކަމަށް އެމްޑީޕީގެ މެމްބަރުން ބުނެއެވެ. އެމްޑީޕީގެ އެތައް ބަޔަކު ޖަލައްލާ މުޅި ގައުމު ފަހަތަށް ސޮއްސާލާނެކަމަށް އެފަރާތްތަކުން ދެކެއެވެ. މިވަގުތަކީ އެމްޑީޕީ އެއްބައިވެ ތަޖުރިބާ ހުރި ޗެއަރޕާރސަން އެއް ގެނެސް ސިޔާސީ ހަރަކާތް ވަރުގަދަ ކުރަންވީ ވަގުތެވެ. އަނެއްކާވެސް ފެކްޝަން ތަޅާފޮޅުމަކަށް ދާންވީވަގުތެއްނޫނެވެ.
