ދިވެހިރާއްޖެ އަންނަ ފަތުރުވެރިންގެ އަދަދު އިތުރުވެ އައު ރެކޯޑެއް ހަދައިފިއެވެ. ކޯވިޑް-19 އަށްފަހު ރާއްޖޭގެ ބޯޑަރު ހުޅުވާލިފަހުން މިމަހުގެ 12ވަނަ ދުވަހު 7668 އަށްވުރެ ގިނަ ފަތުރުވެރިން ރާއްޖެ ޒިޔާރަތްކޮށްފިއެވެ.
ޓޫރިޒަމް މިނިސްޓްރީން ހާމަކުރެއްވިގޮތުގައި މިއީ ކޯވިޑަށްފަހު އެއްދުވަހެއްގެ ތެރޭގައި ރާއްޖެއަށް މިހާގިނަ ފަތުރުވެރިން އައި ފުރަތަމަ ދުވަހެވެ. މީގެކުރުން އެއްދުވަހެއްގައި ރާއްޖެއަށް އެންމެ ގިނަ ފަތުރުވެރިން ޒިޔާރަތްކުރި ދުވަހުގެ ގޮތުގައި އޮތީ މިދިޔަ ޑިސެމްބަރުމަހުގެ 26ވަނަ ދުވަހެވެ. އެދުވަހު ރާއްޖެއަށް 7098 ފަތުރުވެރިން ޒިޔާރަތްކުރިއެވެ.
On 12 Feb 2022, Maldives sets a new daily record, the highest number of tourist arrivals on a single-day with 7668 tourist arrivals since borders reopened in 2020. Thank you all for your contributions towards #Maldives tourism. #VisitMaldivesNow
— Ministry of Tourism (@MoTmv) February 13, 2022
ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުން މިމަހުގެ 12ވަނަ ދުވަހުގެ ނިޔަލަށް ރާއްޖެއަށް ޒިޔާރަތްކޮށްފައިވަނީ 189734 ފަތުރުވެރިންނެވެ. މިއީ މިދިޔަ އަހަރުގެ މި މުއްދަތާއި އަޅާ ބަލާއިރު، 46.4 އިންސައްތަ އިތުރު އަދަދެކެވެ.
